ئەمڕۆ یەكشەممە رۆژنامەی "واشنتۆن پۆست"ی ئەمەریكی ئاشكرای كرد حكومەتی ئەمەریكا بەردەوامە لە فرۆشتنی بۆمبی هێشوویی بەحكومەتی سعودیە، لە كاتێكدا ئەم جۆرە بۆمبە لە جیهاندا قەدەخە كراوە، هەر بۆیە كۆنگرێسی ئەمەریكا بڕیاری دابوو مۆری كارگەكانی ئەمەریكا لەسەر بۆمبەكان نەدرێ.

رۆژنامەكە لە راپۆرتێكدا بەنێوی "بۆمبە هێشووییەكانی ئەمەریكا شاری سەنعا خاپوور دەكات"، لێدوانی چەند شایەدحاڵێكی بڵاوكردووەتەوە، كە بوونەتە قوربانیی ئەو بۆمبە هێشووییانەی ئەمەریكا بەسعودیەی فرۆشتوونەتەوە.

رۆژنامەكە باسی ڕق و قینەی دانیشتووانی پایتەختی یەمەنی بەرانبەر ئەمەریكا كردووە، بەهۆی ئەو بۆمبانەوە كە بە سعودیەی فرۆشتوون. كە بوونەتە هۆی كوژران و برینداربوونی هەزارانی هاووڵاتی سیڤیلی شارەكە.








باسنیوز