ئەوەش لەکاتێکدایە لە مۆندیالی ساڵی ١٩٩٨دا کە فەرەنسا بووە پاڵەوان، زیاتر لە ملیۆنێک هاوڵاتی لەنزیک چامپس ئیلیسیس بۆ خۆشی دەربڕین ڕژانە سەر شەقامەکان.

تا ئێستا ١١ یاری یۆرۆ لە هەریەکە لە یاریگاکانی فرانس دو ستاد و پارک دو پرنسێسدا ئەنجام دراون و بەپێی وتەی بەرپرسانیش، پۆلیس و هێزە ئەمنییەکان بە باشی چاودێریی ئەو یاریانەیان کردووە.

بڕیارە کاتژمێر ١٠ی ئەمشەو بە کاتی کوردستان یاری کۆتایی پاڵەوانێتی یۆرۆ لەنێوان فەرەنسای میوانداری پاڵەوانێتییەکە و پورتوگالدا ئەنجام بدرێت.