وه‌زاره‌تی به‌رگری ڕووسیا ئه‌وه‌ی ئاشكرا كرد كه‌ ئه‌مریكا بۆردوومانی شاری حه‌له‌بی سوریای كردووه‌. ئه‌و وه‌زاره‌ته‌ جه‌خت له‌وه‌ ده‌كاته‌وه‌ كه‌ دوو فڕۆكه‌ی جه‌نگی ئه‌مریكا بۆردوومانی چڕی حه‌له‌بیان كردووه‌، ئه‌و شاره‌ی كه‌ ڕژێمی سوریا به‌نیازه‌ گه‌مارۆی بدات.



"ئیگۆر كۆناشنكۆف" وته‌بێژی وه‌زاره‌تی به‌رگری ڕووسیا ڕایگه‌یاند: " فڕۆكه‌كانی ڕووسیا له‌نزیكی حه‌له‌ب له‌كاردا نین. نزیكترین ئامانجی فڕۆكه‌كانی ئێمه‌ 20 كیلۆمه‌تر له‌دووی فڕۆكه‌كانی ئه‌مریكاوه‌ بووه‌. به‌ڵام ئه‌و ڕۆژه‌ فڕۆكه‌ی هاوپه‌یمانی نێوده‌وڵه‌تی و فڕۆكه‌ی بێ فڕۆكه‌وان به‌سه‌ر شاره‌كه‌دا سوڕاونه‌ته‌وه‌".



ئه‌و به‌رپرسه‌ گوتیشی: " وه‌ك ئه‌وه‌ی پێشتر به‌ڵێنمان به‌هاوڕێ ئه‌مریكاییه‌كانمان دابوو، له‌مڕۆ به‌دواوه‌ ئه‌و زانیارییانه‌ ناشارینه‌وه‌. كاتژمێر 13:15 خوله‌كی دوێنێ چوارشه‌ممه‌، به‌كاتی مۆسكۆ، دوو فڕۆكه‌ی جۆری ئه‌ی-10ی سه‌ربه‌ سوپای ئه‌مریكا، له‌توركیاوه‌ هاتوونه‌ته‌ ئاسمانی سوریا و چه‌ند دامه‌زراوه‌یه‌كیان له‌حه‌له‌بدا بۆردوومان و وێران كردووه‌".








باسنیووز