وڵاتانى هاوپەیمانى دژى داعش لە برۆکسل کۆدەبنەوە
پیتەر کوک وتەبێژى وەزارەتى بەرگرى ئەمەریکا پنتاگۆن ئەمڕۆ ٩ى شوباتى ٢٠١٦ ڕایگەیاند "کۆبوونەوەى ئەم هەفتەیەى وڵاتانى ئەندام لە هاوپەیمانى نێودەوڵەتى، کۆبوونەوەیەکى گرنگ دەبێت کە تیایدا ڕێگاکانى خێراکردنى ئۆپراسیۆنەکانى دژى داعش تاوتوێ دەکرێت".
پێشتریش ئاشتۆن کارتەر وەزیری بەرگری ئەمەریکا ڕایگەیاند لە کۆبوونەوەکەى برۆکسل پێشنیازی سعودییە بۆ ڕەوانەکردنى هێزى زەمینى بۆ سوریا تاوتوێدەکرێت.
ئەمەش لە دواى ئەوە دێت سێ شەممەى ڕابردووش بیست و سێ وڵاتی ئەندام لە هاوپەیمانی نێودەوڵەتی دژی داعش لەڕۆمای پایتەختی ئیتاڵیا کۆبوونەوە و تیایدا وەزیرى دەرەوەى ئەمەریکا ڕایگەیاند لە سەدا پەنجای سەرچاوە داراییەکانى چەکدارانی داعشیان وشککردووە.
سەرچاوەكان
