ئاژانسى ئینته‌رفاكسى ڕوسى بڵاوى كرده‌وه‌ كه‌ هێزه‌كانى ئه‌منیى وڵاته‌كه‌یان ژماره‌یه‌ك ئه‌ندامى رێكخراوى تیرۆریستى داعشیان ده‌ستگیر كردووه‌ . به‌پێى ئاژانسى ئینته‌رفاكس، ئه‌مرۆ دوشه‌ممه‌ له‌ شارى ئیكاترینبێرگ له‌ چیاى ئۆرال، هێزه‌كانى ئه‌منى حه‌وت ئه‌ندامى رێكخراوى تیرۆریستیى داعشیان ده‌ستگیر كرد كه‌ پلانیان بۆ هێرشى تیرۆریستى له‌ مۆسكۆ و سان پترسبێرگ و ناوچه‌ى سفیدرلۆفسك له‌ چیاى ئۆرال داڕشتبوو .

لاى خۆشییه‌وه‌ ده‌زگاى ئه‌منیى ڕووسیا رایگه‌یاند كه‌ ئه‌و حه‌وت تیرۆریسته‌ له‌ هاووڵاتیى ڕووسى و ئاسیاى ناوه‌راست پێكهاتبوون و له‌ لایه‌ن چه‌كدارێكى تیرۆریستى داعشه‌وه‌ رێبه‌رایه‌تیان ده‌كرا كه‌ له‌ توركیاوه‌ هاتبوو، به‌ڵام ده‌زگاى ئه‌منى ڕووسیا ورده‌كاریى زیاترى له‌وباره‌یه‌وه‌ رانه‌گه‌یاند .