سوپاى ئیسرائیل رایگه‌یاند كه‌ هێزه‌كانیان كه‌سێكى فه‌له‌ستینیان كوشت كاتێك كه‌ ده‌یویست به‌ چه‌قۆ هێرش بكاته‌ سه‌ر هێزه‌كانیان له‌ كه‌نارى رۆژئاوا . ئه‌مه‌ش به‌ نوێترین ڕووداوى هێرشكردن به‌ چه‌قۆ بۆ سه‌ر هێزه‌كانى ئیسرائیلى داده‌نرێت له‌م ماوه‌یه‌دا .

سوپاى ئیسرائیل ڕوونیكردۆته‌وه‌ كه‌ ئه‌و كه‌سه‌ فه‌له‌ستینییه‌ به‌ ناو په‌رژینێكى ئه‌منیدا دزه‌ى كردبووه‌ ناو نشینگه‌یه‌ك و ده‌یویست به‌ چه‌قۆ هێرش بكاته‌ سه‌ر سه‌ربازانى ئیسرائیل ، به‌ڵام ته‌قه‌ى لێكرا و كوژرا و سه‌ربازانى ئیسرائیلیش هیچ زیانێكیان به‌رنه‌كه‌وت .

له‌ لایه‌ن خۆشییه‌وه‌ وه‌زاره‌تى ته‌ندروستیى فه‌له‌ستین كوژرانى ئه‌و كه‌سه‌ى پشتراست كرده‌وه‌ كه‌ ناوى ئه‌حمه‌د ته‌وبه‌ بوو .