گۆڤارێكی ئه‌مریكی باس له‌وه‌ ده‌كات ئیداره‌ی ئۆباما شكستی هێناوه‌ له‌به‌ره‌نگاربوونه‌وه‌ی داعش له‌عیراق و سوریا و ئاماژه‌ی به‌وه‌شكردوه‌ كه‌ واشنتۆن ناتوانێت 60 جه‌نگاوه‌ری سوری كۆبكاته‌وه‌ بۆ ئه‌وه‌ی مه‌شق و راهێنانیان پێبكات.

له‌گوتارێكی گۆڤاری فۆرین پۆلیسی ئه‌مریكی كه‌ له‌لایه‌ن ماركۆ رۆبیۆ-وه‌ نووسراوه‌، باس له‌وه‌كراوه‌ ئیداره‌ی باراك ئۆباما سه‌ركه‌وتوو نه‌بووه‌ له‌به‌ره‌نگاریبوونه‌وه‌ی داعش له‌عیراق و سوریا.

ئاماژه‌ به‌وه‌شده‌كات پاش تێپه‌ڕبوونی ساڵێكیش به‌سه‌ر ده‌ستپێكردنی هه‌ڵمه‌ته‌ ئاسمانییه‌كان له‌دژی ئه‌و گروپه‌ كه‌چی هێشتا داعش رووبه‌رێكی به‌رفراوانی له‌خاكی عیراق و سوریا له‌ژێرده‌ستدایه‌ و واشنتۆنیش له‌توانایدا نییه‌ ته‌نیا 60 جه‌نگاوه‌ری سوری بۆ مه‌شق و راهێنان ئاماده‌ بكات كه‌ به‌ته‌نیا شه‌ڕی داعش بكه‌ن نه‌ك رژێمی سوریا له‌كاتێكدا رژێمه‌كه‌ی به‌شار ئه‌سه‌د به‌رپرسه‌ له‌كوژرانی زیاتر له‌240 هه‌زار مرۆڤ له‌و وڵاته‌دا.










سەرچاوەكان