فیلیپ هامۆند وه‌زیری ده‌ره‌وه‌ى بریتانیا له‌ كۆنگره‌یه‌كی رۆژنامه‌وانی هاوبه‌ش له‌گه‌لأ محه‌مه‌د جه‌واد زه‌ریف وه‌زیری ده‌ره‌وه‌ى ئێران له‌ تاران پاش كردنه‌وه‌ى باڵیۆزخانه‌ى بریتانیا له‌ تاران پێویستی هاریكاری تارانى بۆ به‌ره‌نگاربوونه‌وه‌ى تیرۆریزم و راگرتنی ته‌شه‌سه‌ندنی رێكخراوی تیرۆریستی داعش دووپات كرده‌وه‌.

هاوكات جه‌ختى له‌سه‌ر ئه‌وه‌ كرده‌وه‌ كه‌ ته‌نیا به‌ گفتوگۆ ناكۆكییه‌كان و رای جیاوازی نێوان هه‌ردوولا چاره‌سه‌ر ده‌كرێت.

هامۆند گوتیشی پێَوه‌ندییه‌كانی نێوان تاران و له‌نده‌ن په‌ره‌ده‌ستێنن پاش ئه‌وه‌ى نێرده‌ى دیپلۆماسی له‌ هه‌ردوو وڵات ده‌ستبه‌كار ده‌بن لاى خۆیه‌وه‌ زه‌ریف دووپاتی كرده‌وه‌ كه‌ تاران ئاماده‌یه‌ یارمه‌تی هه‌موو دراوسێكانی بدات و داوای پێویستی هاریكاریكردنی نێوان تاران و له‌نده‌نیشى كرد له‌سه‌ر بنه‌مای به‌رژه‌وه‌ندى هاوبه‌شی نێوان هه‌ردوولا.