وه‌زیرى ده‌ره‌وه‌ى ئه‌مه‌ریكا: دڵنیا نین كه‌ له‌گه‌ڵ ئێران بگه‌ینه‌ رێككه‌وتن

وه‌زیرى ده‌ره‌وه‌ى ئه‌مه‌ریكا: دڵنیا نین كه‌ له‌گه‌ڵ ئێران بگه‌ینه‌ رێككه‌وتن
جۆن كێرى وه‌زیرى ده‌ره‌وه‌ى ئه‌مه‌ریكا له‌ كۆبوونه‌وه‌ى له‌گه‌ڵ یۆكیۆ ئامانۆ سه‌رۆكى ئاژانسى وزه‌ى ئه‌تۆمى له‌ ڤیه‌ننا رایگه‌یاند: كه‌ هێشتا زۆر زووه‌ كه‌ بڵێین رێككه‌وتنى ئه‌تۆمى له‌ گه‌ڵ ئێران ئه‌نجام ده‌درێت؛ ته‌نیا كارى له‌سه‌ر ده‌كه‌ین به‌ڵام دڵنیا نین.

هاوكات جاش ئێرنێست گووته‌بێژى كۆشكى سپى رایگه‌یاند: كه‌ تاكو ئێستا زۆر بابه‌تى گرینگ چاره‌سه‌ر نه‌كراون ئه‌مه‌ له‌ كاتێكدایه‌ كه‌ فێدریكا مۆگێرینى به‌رپرسى سیاسه‌تى ده‌ره‌وه‌ى یه‌كێتى ئه‌وروپا رایگه‌یاندوه‌ كه‌ دانوستانه‌كانى ئه‌تۆمى له‌ نێوان ئێران و گرووپى پێنج كۆى یه‌ك له‌ سه‌ر پرسى ئه‌تۆمى ئێران به‌ باشى به‌ڕێوه‌ ده‌چێت و له‌ رێككه‌وتن نزیك بوه‌ته‌وه‌.

شایه‌نى باسه‌ وابڕیاره‌ كه‌ ئه‌مڕۆ گفتوگۆكانى ئه‌تۆمى له‌ سه‌ر ئاستى وه‌زیرانى ده‌ره‌وه‌ى ئێران و ئه‌مه‌ریكا و هه‌ندێك له‌ وڵاتانى ئه‌ندام له‌ گرووپى پێنج كۆى یه‌ك له‌ ڤیه‌ننا به‌ڕێوه‌ بچێت.
Top