2ی‌ ته‌مموز/ یۆلیۆ (گوڵان میدیا)- دوابه‌دوای كاردانه‌وه‌كانی خۆپێشانده‌كانی میسر به‌ره‌ی ئۆپۆزسیۆنی ئه‌و وڵاته‌ مۆڵه‌تی 24 كاتژمێر ده‌داته‌ محه‌مه‌د مورسی بۆ ئه‌وه‌ی كورسی ده‌سته‌ڵات جێ بهێڵێت .

د ڤێ چارچۆڤێ ژى ده‌، هه‌ڤده‌ ملیۆن خوه‌نیشاندێر رژیاینه‌ سه‌ر جاده‌یان و داخوازا ده‌ڤ ژ كار به‌ردانێ ژ محه‌مه‌د مورسى یێ سه‌رۆكێ وى وه‌ڵاتى دكن و، خوه‌نیشاندێران ده‌ست ب سه‌ر باره‌گه‌ها سه‌ره‌كه‌ یا ئیخوان موسلمین ده‌ گرتیه‌ و ب سه‌ده‌ما شه‌ر و په‌ڤچۆنان ژى هه‌فت كه‌س هاتنه‌ كوشتن و چل و پێنجێن دن ژى برینداربوون. هه‌روه‌ها ل پرانیا باژێرێن مه‌زن یێن وى وه‌ڵاتى خوه‌نیشاندێران ده‌ست ب سه‌ر باره‌گه‌هێن پارتا ده‌ستهلاتدار ده‌ت گرتیه‌. ژبال خوه‌ ڤه‌ د راگه‌هاندنه‌كێ ده‌، له‌شكه‌رێ مسرێ ته‌نێ 48 ده‌مژمێر وه‌كه‌ مۆڵه‌ت ژبۆ هێزێن سیاسی دیاركرینه‌ كو خوه‌ ژ وێ قه‌یرانێ ده‌رباس بكن و، ته‌كه‌ز كر، گه‌ر د هه‌یاما وان چل و هه‌شت ده‌مژمێران ده‌ داخوازیێن خوه‌نیشاندێران نه‌ئێنه‌ بجه كرن، ئه‌و دێ رێ و جهێن دن ب كار بینن و، ته‌ڤایا پێكهاته‌یێن وى وه‌ڵاتى دێ به‌شداریێ د وان رێ و جهان ده‌ بكن. هه‌روه‌ها د راگه‌هاندنا له‌شكه‌رێ مسرێ ده‌ هاتیه‌؛ كو ژ ئالیێ سیاسی ڤه‌ له‌شكه‌ر د وێ ئالۆزیێ ده‌ ئالیگر نییه‌ ژبۆ توو ئالیان، و خوه‌یا ژى كر؛ ب هه‌ده‌ردانا بێتر یا ده‌مى ته‌نێ ئالۆزیان بێتر دكه‌.