9ی نیسان/ئەپرێل (گوڵان میدیا)- ئه‌مڕۆ، دوو بوومه‌له‌رزه‌ی به‌هێز، پارێزگای بوشه‌هری له‌ باشووری رۆژئاوای ئێران هه‌ژاند و تائێستاش زیانه‌كان ئاشكرا نه‌كراون.
به‌گوێره‌ی زانیارییه‌كان، بوومه‌له‌رزه‌ی یه‌كه‌م سه‌عات 4,20 خوله‌كی پاشنیوه‌ڕۆی ئه‌مڕۆ به‌گوڕی 6.1 به‌پێی پێوه‌ری رێخته‌ر، له‌ناوچه‌ی كاكی له‌ پارێزگای بوشه‌هر روویداوه‌، دوای 15 خوله‌ك بوومه‌له‌رزه‌یه‌كی دیكه‌ به‌ گوڕی 5.3 به‌پێوه‌ری رێخته‌ر، هه‌مان ناوچه‌ی هه‌ژانده‌وه‌و تائێستاش ده‌سه‌ڵاتدارانی ئه‌و وڵاته‌ زیانه‌ گیانی و مادییه‌كانیان ئاشكرا نه‌كردووه‌.
پارێزگای بوشه‌هر ده‌كه‌وێته‌ باشووری رۆژئاوای ئێران و وێستگه‌یه‌كی گه‌وره‌ی ئه‌تۆمیشی لێیه‌.