16 شوبات / فه‌برایه‌ر 2013 (گوڵان میدیا)- سەرۆك وەزیری توركیا رەجەب تەیب ئەردۆغان لە كۆبوونەوەی بەرپرسانی ناوەندەكانی ئاكەپە لە ئانقەرا سەرەڕای نرخاندنی بارودۆخی ناوخۆیی توركیا و كاری دامودەزگاكانی پارتەكەی هاوكات باسی هەنگاوەكانی حكوومەتی توركیای بۆ چارەسەركردنی پرسی كورد كرد و گوتی: حكوومەت بە هەر هەموو پێكهاتەكانییەوە بڕیاری خۆی داوە و لە داهاتوویەكی نزیكدا پشت بە خوا هەم پرسی كورد چارەسەر دەكات و هەم پرسی تیرۆریش نامێنێت.
ئەردۆغان لە بەشێكی دیكەی گوتەكانیدا باسی رۆلی بەدەپە لە قۆناغی نوێدا كرد و داوای لە بەدەپە كرد كە بە هەستیارییەوە مامەڵە لەگەڵ ئەم قۆناغەدا بكات و تۆزێك جەسارەتی هەبێت و بە شێوەیەكی جەسوورانە چاوپێكەوتنەكانی خۆی لەگەڵ ئوجەلاندا بەرێوەببات.
ئەردۆغان هەروەها داوای لە بەدەپە كرد كە گۆبیستی ئوجەلان بێت، نە گۆێبیستی پەكەكە، چونكە ئەگەر گۆێبیستی پەكەكە بێت ئەوا مافی نییە بڵێت منیش دەمەوێت شتێك بكەم.