3 شوبات / فه‌برایه‌ر 2013 (گوڵان میدیا)- وته‌بێژی‌ رێكخراوی قاعده‌‌‌و زاوای‌ ئوسامه‌ بنلادنی سه‌رۆكی پێشوی رێكخراوه‌كه، سلێمان ئه‌بو غێس، له‌ توركیا ده‌ستگیركرا.

رۆژنامه‌ی‌ میللیه‌تی توركی بڵاویكرده‌وه‌ كه‌ ده‌سه‌لاتدارانی توركیا، سڵێمان ئه‌بوغێسیان له‌ وتێلێكی شاری‌ ئه‌نقه‌ره‌ی‌ پایته‌ختدا ده‌ستگیركردووه‌.

ئه‌بو غێس عه‌ره‌بێكی خه‌ڵكی كۆیته‌‌و له‌ دوای‌ هێرشه‌كانی 11ی‌ ئه‌یلولی‌ رێكخراوی قاعیده‌ بۆسه‌ر ولایه‌ته‌ یه‌كگرتووه‌كانی ئه‌مریكا، وه‌ك وته‌بێژی‌ قاعیده‌ ده‌ركه‌وت‌و زاوای‌ سه‌رۆكی پێشو‌و دامه‌زرێنه‌ری‌ رێكخراوی ناوبراو (ئوسامه‌ بنلادن)ه‌.