9 ی تشرینی یەكەم/ ئۆكتۆبەر (گوڵان میدیا)- عه‌بدولباست سه‌یدا سه‌رۆكی ئه‌نجومه‌نی نیشتیمانی سووریا بۆ یه‌كه‌مین جار دوای ئه‌وه‌ی خه‌ڵكی سووریا دژی حكومه‌تی سوریا راپه‌رین، سه‌ردانی سووریای كرد و له‌گه‌ڵ سوپای ئازادی سووریا كۆبووه‌وه.

دوێنێ دووشه‌ممه‌ سه‌رۆكی ئه‌نجومه‌نی نیشتمانی سووریا له‌ ده‌ڤه‌ری ئه‌تاریبێ‌ نزیك حه‌له‌ب له‌گه‌ڵ سووپای سووریای ئازاد كۆبووه‌وه‌ ئه‌و سه‌ردانه‌ش بۆ ئه‌وه‌ بووه‌ كه‌ په‌یوه‌ندی زیاتر له‌ نێوان لایه‌نه‌ ئۆپۆزسیۆنه‌كانی سووریا په‌یدابێت و ئه‌مه‌ش بۆ خزمه‌ت كردن دژی ده‌سه‌ڵاته‌كه‌ی ئه‌سه‌د و وه‌ك پاڵپشتیه‌ك بۆ ئه‌و هێزه‌ی سووپای ئازاد به‌رده‌وام بن له‌ خه‌بات و تێكۆشان.

عه‌بدولباست سه‌یدا كورده‌ و ئێسته‌ سه‌رۆكی ئه‌نجومه‌نی نیشتیمانی سووریایه‌ و بۆ یه‌كه‌م جاره‌ كه‌ نزیكه‌ی ماوه‌ی دوو ساڵه‌ ره‌وشی سووریا ئاڵۆز بووه‌ و ئه‌سه‌د ده‌سه‌ڵات جێ‌ ناهێڵێت.