سه‌رۆكى ئه‌مه‌ریكا ئاماژه‌ به‌ جێهێشتنى كورسى ده‌سه‌ڵات ده‌كات له‌لایه‌ن سه‌رۆكى ئێستاى لیبیاوه‌، و پێشهاته‌كانى ئێستاى ئه‌و وڵاته‌ش به‌ پاشه‌كشێى ده‌سه‌ڵاتى سه‌رۆكى لیبیا ناوده‌بات.

ئه‌مرِۆ چوارشه‌ممه‌، باراك ئۆباما سه‌رۆكى ئه‌مه‌ریكا له‌ كۆبونه‌وه‌یه‌كیدا له‌گه‌ڵ ئه‌نجێلا مێركل رِاوێژكارى ئه‌ڵمانیا، رِایگه‌یاند: دره‌نگ یان زوو موعه‌مه‌ر قه‌زافی ده‌بێت له‌ ده‌سه‌ڵات برِوات و كورسی ده‌سه‌ڵات جێبهێڵێت.

سه‌رۆكى ئه‌مه‌ریكا وتیشی: پێشهات و رِوداوه‌كانى لیبیا ئه‌وه‌ ده‌سه‌لمێنن كه‌ ده‌سه‌ڵاته‌كه‌ى موعه‌مه‌ر قه‌زافی له‌ پاشه‌كشێدایه‌ و به‌ره‌و ولاواز بون ده‌چێت.

له‌به‌رامبه‌ردا موعه‌مه‌ر قه‌زافی له‌ نوێترین لێدوانیدا رِه‌تى كرده‌وه‌ ده‌سه‌ڵات جێبهێڵێت و رِایگه‌یاند تا مردن له‌ لیبیا ده‌مێنمه‌وه‌ ده‌ستبه‌ردارى وڵات و پۆسته‌كه‌م نابم.

سه‌رچاوه‌/ رِۆیته‌رز