Serokwezîrê Herêma Kurdistanê Mesrûr Barzanî piştî bidawîbûna karên Konferansa Asayişê ya Munchenê, bi serokatiya şandeke hikûmî gihîşt Roma Paytexta Îtalyayê.

Li Roma, Serokwezîrê Herêma Kurdistanê Mesrûr Barzanî ligel Serokwezîrê Îtalya Giuseppe Conte û çendîn berpirsên bilind ê Hikûmeta Îtalyayê dicive û guftûgoyê derbarê hevahengiyên rûbirûbûna terorê tên kirin.

Herwiha di serdana şanda Hikûmeta Herêma Kurdistanê de ku ji Wezîrê Avedankirin û Niştecihbûnê Dana Ebdulkerîm, Wezîrê Veguhastin û Gihandinê Ano Cewher, Wezîrê Ewqaf û Karbarên Olî Piştîwan Sadiq û Wezîrê Herêmê Xalid Şiwanî pêl hatibû, derfetên webirhênanê bi kompanyayên Îtalyayê re guftûgo dikin.

Piştre li Vatîkanê, Serokwezîrê Herêma Kurdistanê Mesrûr Barzanî ligel Qedasetê Papa dicive û behsa pabendbûna Herêma Kurdistanê bi pêkvejiyana olî û handana guftûgoyên di navbera olan de dike.

Serokwezîrê Herêma Kurdistanê derbarê serdana xwe bo Îtalya û Vatîkanê de ragihand: “Ligel qedasetî Papa behsa girîngiya pêkvejiyana olî li Herêma Kurdistanê û rûbirûbûna terorê dikin. Şanaziyê dikin ku Herêma Kurdistanê gelek hewla daye bo pêşvebirina guftûgoya di navbera olan de û keşeke aram bo peyrewên tevahiya olan li Herêma Kurdistanê peyda kiriye”.

K24