Xwarinên herêmî yên Riha û Mersînê li navçeya Xelfetî ya Rihaya Bakurê Kurdistanê hatin pêşandan.

Li Dibistana Bilind a Pîşesaziyê ya Xelfetiyê ya Zanîngeha Heranê bernameyek hat lidarxistin.

Xwendekar û akademîsyenên beşa aşpêjiyê ya Zanîngeha Torosê û ya Heranê bi pêşîkêşiya şefên xwarinê xwarinên herêmî yên curbicur çêkirin.

Xwendekarên Zanîngeha Heranê kifteyên navtijî, kifteyên nîskan, çîg, kebabên pîvaz û balîcanê reş, şirîniya şilikê jî di nav de gelek xwarinên herêmî çêkirin.

Xwendekarên Zanîngeha Torosê jî xumus, tantunî, pîşî, cezerye û şirîniya kerebîçê di nav de gelek xwarinên herêmî çêkirin.

Şef Ahmet Savaş û Salih Sancar ên ji Mersînê çûne jî alîkariya xwendekaran kirin û çêkirina hin xwarinan fêrî wan kirin.

Rêvebirê Dibistana Bilind a Pîşesaziyê ya Xelfetiyê Mehmet Fatîh Kayran got ew kêfxweş in ku mazûvaniya xwendekar û akademîsyenên Zanîngeha Torosê dikin.

Mehmet Fatîh Kayran diyar kir ku bernameyên bi vî rengî hevkariya zanîngehan û geşedana xwendekaran pêşva dibe û spasiya beşdariyan kir.

 

Rudaw