نێچیرڤان بارزانی، سەرۆکی هەرێمی کوردستان، پێشوازیی لە بەڕێز ئەکسل ڤێش، باڵیۆزی نوێی نەمسا لە عێراق کرد.
پێشنیوەڕۆی ئەمڕۆ دووشەممە 2026/9/28، بەڕێز نێچیرڤان بارزانی، سەرۆکی هەرێمی کوردستان، پێشوازیی لە بەڕێز ئەکسل ڤێش، باڵیۆزی نوێی نەمسا لە عێراق کرد.
لە دیدارێکدا، بەڕێز سەرۆکی هەرێمی کوردستان وێڕای پیرۆزبایی بۆ دەستبەکاربوونی، هیوای سەرکەوتنی لە ئەرکەکەیدا بۆ خواست و ئامادەییی دامودەزگاکانی هەرێمی کوردستانی بۆ سەرخستنی کارەکانی و پەرەپێدانی پەیوەندی و هاريكاريى هاوبهش دەربڕی، هەروەها سوپاس و پێزانینی هەرێمی کوردستانی بۆ مێژووی پەیوەندیی دۆستانە و پشتیوانیی بەردەوامی نەمسا دووپات کردەوە.
لای خۆیەوە، بهڕێز باڵیۆزی نوێی نەمسا خۆشحاڵیی خۆی بە وەرگرتنی ئەرکەکەی دەربڕی و جەختی لە خواستی وڵاتەکەی بۆ پتەوکردنی زیاتری پەیوەندییەکان لەگەڵ عێراق و هەرێمی کوردستان و فراوانکردنی ئاستی هاوکاریی هاوبەش لە بوارە جیاوازەکاندا کردەوە.
پەیوەندییەکانی هەولێر و بەغدا، بارودۆخی گشتیی ناوچەکە و چەند پرسێکی جێی بایەخی هاوبەش، تەوەرێکی دیکەی دیدارەکە بوو.
