هیچ شتێک بۆ گەلێک لەوە سەختتر نییە کە بەدوای نیشتمانەکەیدا بگەرێت لە کاتێکدا خۆی لە ناو نیشتمانێکدا دەژی کە دەبێت بەڕاستی نیشتمانی ئەوبێت ، ئەمە ئەو مەتەلەیە کە کورد لە عێراقدا دەژی.
هەرچەندە لە مانای هاوبەشی نزیک دەبنەوە، دەستێکی سیاسی دەردەکەوێت کە هاوبەشییەکە وەک «بەخششێک» پێناسە دەکاتەوە. هەرچەندە هەوڵ دەدەن ئەوەی دەستوور چەسپاندوویەتی جێگیر بکەن، هەندێک لە خاوەن بڕیارەکان وای لێدەکەن کە دەستوور تەنها لەو کاتانەدا بیر بێننەوە کە خزمەتی کاتەکە دەکات و لەبیر دەكەن کاتێک دادپەروەری تێچووی دەبێت.

لەو دیمەنەدا، حکومەتی هەرێمی کوردستان وەک کەسێک دەکەوێتە بەرچاو کە یادەوەریی گەلێکی تەواوی لەسەر پشت هەڵگرتووە؛ نە خۆشگوزەرانی هێزی ڕه‌های هەیە و نە خوازیاری ئەوەشە ناکۆکییەکان بگەیەنێتە پچڕانی پەیوەندییەکان، بۆیە هەوڵ دەدات لە ناو ماڵی عێراقیدا بمێنێتەوە تەنانەت ئەگەر دیوارەکانیشی تەسک ببنەوە، داوای مافەکانی دەکات نەک وەک دەستکەوتێکی نەتەوەیی، بەڵکو وەک بەشێک لە گرێبەستێکی مرۆیی و سیاسی کە دەبێت پارێزگاری لە هەمووان بکات.
بەڵام سیاسەت کاتێک مرۆڤایەتیی خۆی لەدەست دەدات، دەچێتە شێوەی دارستانێک کە تێیدا بوونەوەرەکان جگە لە لێژکردنەوە و ژماردنی چنگەکان هیچ شتێکی تر نازانن. هەندێک گورگ هەن کە دەنگیان نایەت ، لە کۆنفرانسەکاندا زەردەخەنە دەکەن و ڕێککەوتنەکان واژۆ دەکەن، پاشان دەقەکان بە هەڵواسراوی لە نێوان شرۆڤە و دواخستندا بەجێدەهێڵن. لە سیاسەتی نێودەوڵەتیشدا گورگی تر زۆر قەشەنگتر هەن کە دەزانن چۆن باسی مافی گەلان بکەن کاتێک پێویستیان پێیەتی، و چۆنیش بێدەنگ بن کاتێک بێدەنگی قازانجی زیاتری دەبێت.
سەرەڕای ئەوەش، دۆزی کوردی هەرگیز سیاسەتی پەتی نەبووە؛ ڕۆشنبیری ئەو بەشەیە کە سیاسەت نەیتوانی دەستی بەسەردا بگرێت. زمان، گۆرانی، یادەوەری، چیاکان، گوندەکان و ئەو چیرۆکانەی نەوە لە دوای نەوە دەیگوازنەوە، پێش ئەوەی نەخشەی جوگرافی نیشتمانێک دروست بکەن، نیشتمانێکی ڕەمزییان دروست کرد. ڕەنگە هەر لەبەر ئەمەش بێت کە پرسی قووڵی کوردی ئەوە نەبێت کە سنوورەکانی نیشتمان لە کوێن؟ بەڵکو: مرۆڤ چۆن دەتوانێت لە نیشتمانەکەیدا هەست بە ئارامی بکات؟
ستەمی سیاسەت هەمیشە گەلان تێکناشکێنێت . هەرجارێک پاڵیان پێوە دەنێت تاوەکو ناووکی خۆیان بدۆزنەوە. حکومەتی هەرێمیش بەو لاوازی و هێزەی کە لە یەک کاتدا هەڵیگرتووە، لە نێوان ئاگری بەرژەوەندییەکان و گەرمای یادەوەریدا دەوەستێت، هەوڵ دەدات بسەلمێنێت کە نیشتمان پارچە زەوییەک نییە کە بەشێوەیەک لە نێوان بەهێزەکاندا دابەش بکرێت، بەڵکو گرێبەستێکی ڕەوشتییە لە نێوان مرۆڤ و شوێنەکەی. ڕەنگە کارەساتی سیاسەتی عێراقی و نێودەوڵەتیش لەوەدا بێت کە هێشتا کورد لە تەرازوی هێزدا دەبینن، لە کاتێکدا کورد پێداگرن لەسەر ئەوەی لە تەرازوی مرۆڤدا ببیندراون.
لە نێوان هەردوو تەرازوەکەشدا، گەڕان بەدوای نیشتمانێکدا بەردەوامە کە تێیدا بەرخ پێویستی بەوە نەبێت بۆ ژیان فێری زمانی گورگ بێت.