ئەگەر دایك واژوی وازهێنانی لە بەخێوكردنی منداڵەكەی كرد، دەتوانێت دواتر داوای بكاتەوە؟

بابەتی بەخێوكردنی منداڵ لە یاسادا لە نیزام عامە، واتە مافەكە بەجۆرێكە كە بە وازلێهێنانیش بە ڕێككەوتن و واژوی دایك، ئەم مافە لە بنەڕەتەوە لەدەست نادرێت، یاسای باری كەسێتییش لە ماددە “ 57 “ ئەحكامەكانی ئەم بابەتەی ڕێك خستووە، بە جۆرێك دایك تەنیا ئەمین بێت بۆ پەروەردەكردن و دایەنیكردنی منداڵەكە، و كێشەی ڕەوشتی نەبێت و زیانی پێ نەگەیەنێت، دەتوانێت دوای جیابونەوە منداڵەكانی لە خۆیبگرێت، بە لەدەستدانی مەرجەكانیش مافەكە لەدەست دەدات، لە هەر كاتێكیشدا خۆی لەبەر هەر هۆكارێك وازی لە بەخێوكردنی منداڵەكانی هێنا بۆ مێردەكەی -با بەنوسراو و واژوی خۆشی بێت- دواتر دەتوانێت پەشیمان ببێتەوە و داوای گەڕانەوەی مافی دایەنیكردنی منداڵەكانی بكات لە دادگا، ئەمەش پارێزگارییەكی یاسایییە بۆ منداڵ و هەم بۆ دایكەكەش.