ئایا تا ئێستا باڵندەت بینیوە لەژێر ئاودا پیاسە بكات؟ ئەمە (Dipper)ـە، یەكێك لە سەرسوڕهێنەرترین دروستكراوەكانی سرووشت. ئەم باڵندەیە تەنیا بۆ فڕین دروست نەكراوە، بەڵكو غەواسێكی لێهاتووشە!

لە ڕووی بایۆلۆژییەوە، جەستەی ئەم باڵندەیە چەندین تایبەتمەندیی تێدایە، كە وای لێ دەكات لەژێر ئاوێكی سارد و خێرادا بە ئاسانی بمێنێتەوە و ڕاو بكات، پێوەرێكی قووڵایی: ئەو جووڵە (Bobbing)ـەی كە دەیكات، بۆ ئەوەیە كە «شكستنەوەی ڕووناكی» لە ناو ئاودا ئەژمار بكات و بە وردی بزانێت نێچیرەكەی لە چ قووڵاییەكدایە، چاوە مۆدێرنەكان: پەردەیەك لەسەر چاوی هەیە پێی دەگوترێت (Nictitating membrane)، وەك شوشەی غەواسی پارێزگاری لە چاوی دەكات، ئێسكی قورس: بە پێچەوانەی زۆربەی باڵندەكان كە ئێسكیان بۆش و سووكە بۆ فڕین، ئەم باڵندەیە ئێسكی كەمێك قورسترە، تاوەكو یارمەتی بدات لەژێر ئاودا بمێنێتەوە و سەرنەكەوێت بۆ سەرەوە.