وەزارەتی تەندروستی فەلەستین ڕایگەیاند، ژمارەی کوژراوانی هێرشەکانی ئیسرائیل بۆ سەر کەرتی غەززە بۆ 72 هەزار و 315 کەس زیادیکردووە.

وەزارەتی تەندروستی فەلەستین لە غەززە بەیاننامەیەکی بڵاوکردەوە و دوایین ئاماری کوژراوان و بریندارانی هێرشەکانی ئیسرائیلی بڵاوکردەوە.

بەپێی ئاماری وەزارەتەکە، لە ماوەی ٢٤ کاتژمێری ڕابردوودا، تەرمی ٣ فەلەستینی و ٣ کەسی بریندار بۆ نەخۆشخانەکانی غەززە گواستراونەتەوە.

بەم شێوەیە ژمارەی ئەو کەسانەی لە ئۆکتۆبەری ٢٠٢٣ەوە لە هێرشە سەربازییەکانی ئیسرائیل بۆ سەر کەرتی غەززە کوژراون بۆ ٧٢ هەزار و ٣١٥ کەس زیادی کردووە.

ئەمەش لە کاتێکدایە کە سوپای ئیسرائیل سەرەڕای ئاگربەست بەردەوامە لە هێرشەکانی بۆ سەر کەرتی غەززە و مەزەندە دەکرێت هەزاران تەرم هێشتا لە ژێر داروپەردووی کەرتی غەززەدا ماون.

 

 

 

 

گوڵان: سەردار خەلیل