بەهۆی کەوتنەخوارەوەی فڕۆکەیەکی سەربازی لە ڕووسیا 29 کەس گیانیان لەدەستدا
ئەمڕۆ چوارشەممە 1ی نیسان، وەزارەتی بەرگری ڕووسیا ڕایگەیاند، دوای کەوتنەخوارەوەی فڕۆکەیەکی سەربازی، 29 کەس گیانیان لەدەستدا کە 23 سەرنشین و 6 تیمی فڕۆکەوانی بوون.
وەزارەتەکە هەروەها ڕایگەیاندووە، كە ئەم فڕۆکە سەربازییە لە جۆری ئەن-٢٦ بووە و لە ناوچەی کریمە کەوتووەتە خوارەوە.
بەگوێرەی وەزارەتەکە تیمی گەڕان و فریاگوزاری شوێنی کەوتنەخوارەوەی فڕۆکەکەیان دۆزیوەتەوە.
وەزارەتی بەرگری ڕووسیا ڕایگەیاند، گەشتێکی ڕۆتینی بووە، بەڵام هێشتا هۆکاری کەوتنەخوارەوەی فڕۆکەکە ڕوون نییە.
گوڵان: سەردار خەلیل
