دوای هەڵوەشاندنەوەی پلانی گومرگی پێشووی لەلایەن دادگای باڵای ئەمریکاوە، سەرۆکی ئەمریکا ڕایگەیاند، باجی کاتی لەسەر هاوردەکردن لە هەموو وڵاتانەوە لە 10% بۆ 15% زیاد دەکات.

باجی نوێی 15%   کە دوێنێ شەممە لەلایەن ترەمپەوە ڕاگەیەندرا، بەپێی یاسایەک کە بە بەشی 122 ناسراوە، سەپێنراوە، یاساکە ڕێگە بە باجەکان دەدات تا 15%، بەڵام دەبێت لەلایەن کۆنگرێسەوە پەسەند بکرێت بۆ ئەوەی دوای 150 ڕۆژ درێژبکرێتەوە. هیچ سەرۆکێک ئەم دەسەڵاتەی بەکارنەهێناوە و ڕۆیتەرز ڕاپۆرت دەکات کە جێبەجێکردنی دەتوانێت ڕووبەڕووی ئاستەنگی یاسایی نوێ ببێتەوە.

هەروەها ڕۆیتەرز دەڵێت: شارەزایانی بازرگانی و هەندێک لە یاریدەدەرانی کۆنگرێس گومانیان هەیە لە درێژکردنەوەی باجەکان، بەتایبەتی کە ڕاپرسییەکان دەریدەخەن کە ژمارەیەکی زۆر لە ئەمریکییەکان باجەکان بە هۆکاری بەرزبوونەوەی نرخەکان دەزانن.

 

 

 

گوڵان: سەردار خەلیل