لە جیهانی مێرووەكاندا، دیمەنی دایكایەتی هەیە كە مرۆڤ تووشی شۆك دەكات. ئەوان نە قوتابخانەیان بینیوە و نە كتێبیان خوێندووەتەوە، بەڵام بە غەریزە دەزانن چۆن نەوەكانیان بپارێزن، سەیركەن چۆن قوربانی دەدەن: دووپشك: ئەم دایكە ترسناكە، دوای لەدایكبوون بێچووەكانی لەسەر پشتی هەڵدەگرێت، بە وریاییەوە دەیانپارێزێت تا یەكەم جار پێستیان دەگۆڕن، چونكە دەزانێت ئەگەر یەكێكیان بكەوێتە خوارەوە، دەمرێت، كوللە حاجی (Praying Mantis): هێلكەكانی دەكاتە ناو ماددەیەكی «كەفی» كە دواتر ڕەق دەبێت و دەبێتە قەڵایەك بۆ پاراستنی كۆرپەكان لە سەرما و وشكبوونەوە، مێرووە كۆمەڵایەتییەكان: شەو و ڕۆژ پاسەوانی هێلكەكان دەدەن، پاكیان دەكەنەوە و ئەگەر شوێنەكە مەترسی هەبێت بە پەلە دەیانگوازنەوە بۆ شوێنی ئارام، خاڵخاڵۆكە (Ladybug): بە زیرەكی هێلكەكانی لەژێر گەڵاكان دەشارێتەوە و لەو ناوچەیە دوور ناكەوێتەوە، تا نەوەكانی پارێزراو بن.