نیوەی دەفری خەڵاتەكە بە ئاوی گەرم پڕ بكە، چەند دڵۆپێك لە شلەی قاپشۆردنی تێبكە، پاشان نیو لیمۆی ترش بخەرە ناو دەفرەكەوە، دواتر سەری خەڵاتەكە دابخە و بۆ ماوەی دوو خولەك بە خێراییەكی زۆر دایبگیرسێنە، ئاو ماددەكانی ناو دەفرەكە بڕێژە و بە ئیسفەنجێك بە هێمنی بەسەر دەفرەكە و سەرپۆشەكە و تیغەكەیدا بهێنە، بە ڕەچاوكردنی ئەوەی كە ئامێری پاككردنەوەی زبر یان كانزایی بەكار نەهێنیت، چونكە دەبێتە هۆی ڕوشاندنی پلاستیكەكە.

دەفرەكە و سەرپۆشەكە و تیغەكەی بە ئاوی شلەتێن بشۆ و دەفرەكە دووبارە لەسەر ئامێرەكە ببەستەرەوە.

جارێكی دیكە نیوەی دەفرەكە بە ئاوی گەرم پڕ بكەرەوە و دەفرەكە دابخە و بۆ ماوەی یەك خولەك بە خێراییەكی زۆر دایبگیرسێنە، جارێكیتر دەفر و سەرپۆشەكە بە ئاوی شلەتێن بشۆ و دەفر و سەرپۆش و تیغەكە دابنێ تا بە تەواوی وشك دەبنەوە.

پێشنیار دەكرێت بەشی سەرەكی (ماتۆڕی) خەڵاتەكە بە پەڕۆیەكی شێداری گەرم بسڕدرێتەوە بۆ لێكردنەوەی هەر پەڵەیەك یان پاشماوەیەكی خۆراك.