نیکۆلاس مادۆرۆ سەرۆکی ڤەنزوێلا لە یەکەم ئامادەبوونیدا لە دادگای فیدراڵی لە لۆوەر مانهاتن لە نیویۆرک تۆمەتی بازرگانیکردن بە ماددە هۆشبەرەکان و چەکەکانی ڕەتکردەوە.

بەپێی هەواڵێکی کەناڵی سی بی ئێس نیوز، مادۆرۆ لە ڕێگەی وەرگێڕێکەوە ڕایگەیاندووە کە کەسێکی باش و بێتاوانە.

جەختیشی کردەوە: "من بێتاوانم، تاوانبار نیم، پیاوێکی بەڕێزم و سەرۆکی وڵاتەکەمم".

بەپێی زانیارییەکان، هاوسەری مادۆرۆ ئەو تۆمەتانەی هاوشێوەی ڕەتکردووەتەوە.

مادۆرۆ و هاوسەرەکەی دوای دوو ڕۆژ لە دەستبەسەرکردن، ڕۆژی دووشەممە گەیەندرانە دادگای نیویۆرک.

ئەمریکا بە پێشێلکردنی یاسا نێودەوڵەتییەکان هێرشی کردە سەر ڤەنزوێلا و نیکۆلاس مادۆرۆ و هاوسەرەکەی دەستگیرکرد و گواسترانەوە بۆ ئەمریکا.

ئەم چالاکییە سەربازییەی ئەمریکا بە کاردانەوەی توندی نێودەوڵەتی بەرەوڕوو بووەوە. زۆرێک لە وڵاتانی جیهان ئەم کارەی ئەمریکایان شەرمەزار کرد.

 

 

 

گوڵان: سەردار خەلیل