زیانەكانی مانەوە لە نیوەی شەو، زیاترە لە تەنیا لەدەستدانی خەو و دەتوانێت كاریگەریی جددیی لەسەر تەندروستیی مێشك هەبێت. زانایان ئاشكرای دەكەن كە مێشكی مرۆڤ بە شێوەیەك دروست نەبووە كە لە كاتژمێرەكانی درەنگانی شەودا بەئاگا بێت. كاتێك سووڕی سرووشتیی خەوەكەت چالاك دەبێت، كارەكانی مەعریفی دەست دەكەن بە دابەزین. ڕاگرتنی بیرەوەری خاو دەبێتەوە و تواناكانی چارەسەركردنی كێشەكان لاواز دەبن، ئەمەش وا دەكات تەركیزكردن و بڕیاردان قورستر بێت، هەروەها بەئاگابوونی درێژخایەن لە درەنگانی شەودا، ئاستی هۆرمۆنی فشار زیاد دەكات و ڕیتمە سرووشتییەكەی ڕۆژانە تێك دەدات، كە باری دەروونی و وزە و ئەدای دەروونیی گشتی ڕێك دەخات. توێژینەوەكان دەری دەخەن كە چالاكیی بەردەوامی درەنگانی شەو پەیوەندی بە مەترسی زیاتری دڵەڕاوكێ و خەمۆكی و كێشە درێژخایەنەكانی دەمارەوە هەیە. تەنانەت ئەگەر هەست بە بەرهەمهێنان بكەیت لە شەودا، لە ڕاستیدا مێشكت كەمتر كار دەكات و لە خەباتدایە بۆ پاراستنی ئەدای گونجاو. شارەزایان پێشنیاری دانانی خشتەی خەوتنی یەكگرتوو دەكەن، بە ئامانجی خەوتنی كوالێتی ٧ بۆ ٩ كاتژمێر و، دووركەوتنەوە لە شاشە و كافاین پێش خەوتن بۆ پاراستنی كاركردنی مێشك. گرنگیدان بە كاتی خەو نەك تەنیا بیرەوەری و فێربوون باشتر ناكات، بەڵكو خۆڕاگریی سۆزداری و ڕوونیی دەروونی بەرز دەكاتەوە. مێشكت كاتێك گەشە دەكات كە پەیڕەوی لە ڕیتمە سرووشتییەكەی دەكەیت و، خەوتن پێش نیوەی شەو هەنگاوێكی سادەیە بەرەو تەندروستیی مەعریفیی درێژخایەن.