لە هەموو شتێك فەرق و جیاوازی هەبێت لە كاری خودا-دا هەرگیز نیە و نەبوە، بەڵام ئەمە بەندەكانیەتی بە حەزو ئارەزو و هەوەسی خۆیان شیكار و رامان بۆ كارەكانی خودا دەكەن، ئەگەر نا لافاو کار و فەرمانی خودایە و هیچ پەیوەندی بە مرۆڤەكانەوە نیە، راستە هۆكار هەن بەڵام فەرمانی خودایە، و هەرچی رووبدات و كەس بۆی نیە سەرزەنشتی بکات، یاخود بە حەزی خۆی رامانی بۆ بكات. لێرەدا مەبەستی من ئەو لافاوانەی ئەم دوو سێ سالانەی هەرێمی كوردستانە، لە دێر زەمانەوە باو باپیرانمان گوتویانە: كاری خودایە و شوكرانەین، كەچی جیلی ئێستا دەست تێوەردان لەكاری خودا دەکات بۆ مەبەستێكی سیاسی، چەند لایك و فۆلۆەرێک، یاخود چەند شتێكی ماددی كەم، لەوەی كارەساتبار هەڵوێست و لێدوانی لایەنی سیاسی و دینیە، کە بە بیرمە لە لافاوەکانی ساڵی ٢٠٢٣ و ٢٠٢٤ی هەولێر، ليرەدا بە پێویستی نازانم باسی لێدوان و هەڵوێستیان بکەم، بەڵام دیسانەوە دەیڵێمەوە لەگەڵ رێزێكی زۆرم بۆ خەڵكی سلێمانی بەڵام باوربكەن پۆست و لێدوان و مانشێتی هەندێك لە كەناڵ و پەیج و بەناو شیكەرەوەی سیاسی و چاڵاكوانە پارە وەرگیراوەكانم دیت، هەستم دەكڕد ئێمە لە ولاتێكی لە دین دەرچوو و بێ دینین، واتە بە تەواوی هەولێر و دهۆكیان تاوانباركرد، هەرچی ووشە و دەستەواژەی ناشرین و دوور لە نەریتی كومەڵایەتی، كوردەواری، ئاینی، عەشایرییان بەکاردەهێنا، گۆمانم لەخوم كرد دەبێ ئێمە كێ بین؟ چی و چۆن بین.
ئەمە نەفرەتی خودایە، ئەنجامی نادادپەروەرییە، ئەمە توڵەی ئێمەیە، ئەمە چونكە هەولێرە وایە و دهۆكە وایە، هەندێك كومێنتم بەرچاو دەکەوت، باوربكەن مرۆڤی كورد لەروی نایێ باس بكات، زگمان بەخۆمان سوتا، كابرا وا ماڵ و حال و ژیانی وێران بووە، کەچی ئیموجی قاقای پێكەنینان دادەنا، پەیج و سایت و كەناڵەكانی شاری روشنبیری پڕ پڕببو لە جوێن، دوعای خراپ، سووكایەتی، ئیهانە و تێهەلدان. کەسانی ناسروایش هەبووە نوسیبوی: ئۆخەی دڵم ئاوی خواردەوە، هەبوو نوسیبوی دوبەی پارتی ئاو بردی، باوڕبكەن ئەمە لە وڵاتانی بێ دینیش نایبینی. بێگومان حەددم نیە بلێم هەموو سلێمانی، چونكە زمانم لاڵ دەبێ، من باسی چینێكی سیاسی و روشنبیری و پەروەردەی فیكری ئیرهابی دەكەم، كەوا هەموو سنورێكی بێ رەوشتیان بەزاندوە، عەرەبی بەغداد هاوخەم بوو، توركی رەگەز پەرست هاوخەم بوو، كەچی كوردی خوێن و گوشتم پێم پێ دەكەنێت و دەڵێت خوابکا بەشەكەی تری هەولێر ئاو ببات.
ئەمە سیاسەتی (تهجیم و تقزیم و تقسیم و تطرف) ی ئەوانە.
قەدیم گوتویانە: دونیا دەوران دەورانە، عەرەب دەلێت(یوم لك ویوم علیك)، بێگومان بەدلێكی پڕەوە ئەم قسە ناخۆشە دەكەم، كەوا دیتمان لافاوی چەمچەمال چ كارەساتێكی خولقاند دڵی هەموومانی هەژاند، دڵی هەموو كوردێكی بە رەوشت و رەسەنی هەژاند، بەڵام دەمەوێت باسی جیاوازی نێوان پەروەردەی زۆنی پارتی و زۆنی یەكێتی بكەم كەوا چەند جیاوازە چەند دوورن لەیەك.
لافاوی چەمچەمال لەیەكەم چركەساتەوە تا ئێستا نەمدیت هەولێریەك بە سیاسیەوە، دهۆكییەك بە پلەو پوست و راگەیاندنەوە گالتە، نوكتەیەک، هێرشێك، قسەیەكی ناخۆش و ناشرین لە سەر ئەم لافاوە ناخ هەژێنە بکات، منداڵ و پیرو گەنج، هەروەها خەڵكی سادە و سیاسی و پلەدار، هەر هەموویان بەیەکەوە یەكسەر دەستیان كرد بە كۆمەك كوكردنەوە، هەموومان كەمپینەكانمان دیت و خەڵك شاهیدی ئەمەیە، بۆ مێژوو، ئەمە خۆ منەت نیە، ئەمە ئەركە، پەروەردەی كوردیە، پەروەردەی باب و باپیران و ئەژدادمانە، بەڵام خۆ هەموو كورد شاهیدی مێژوو، خەبات، جوامێڕی، میوان دۆستی، پیاوەتی و باشی خەڵكی شارە خۆشەویستەكەی سلێمانین، كەس نە حەددی هەیە نە جورئەت و بوێری ئەوەی هەیە باسی خەڵكی سلێمانی بكات، بەڵام ئەوەی رێرەوی ئەم رەوشت و كلتۆرە بەرزەی گۆری و بەرەو ئاقارێكی ناشرین و خراپ برد، دوو جۆر کەس بوون، یەكەم ئۆپزسیونی ساختەی زمان درێژی بەكرێ گیراو بوو، دووەمیان كورانی مام جەلالی رەحمەتی بوون. سەیركەن چۆن روی سلێمانیان ناشرین كرد، چۆن ئیرهابی فكریان لە نێو ئەم شارە جوانە بڵاوکردەوە، چۆن وایان لەم خەڵكە كرد بە كارەساتێكی سروشتی خودایی و ناخ هەژێن پێ بكەنن ودڵیان پێ خۆشبێ، چۆن بە سیاسیان كرد.
ئەمانە بۆ پلەو پۆست بۆ خۆ شرین كردن لەلای ئاغاكانیان هەمو شتێكی ناشرین دەكەن، لە هەرچی بەهاو كەڵتور و رەوشتی جوانی كوردەواریە لایان دا، بۆیە هەر بەجددی ئێدی كاتیەتی خەڵكیش تێ بگات و بریاربدات، كێ بۆ كوردایەتی و كوردستانە، هەروەها کێ-ش بۆ پلەو پۆست و پارە و تێكدانی رێرەوی كومەلگای كوردیە،
بێجگە لەوەی هیچ لایەن، بازرگان، سیاسەتمدار، چاڵاكوان و رۆژنامە بەناو سەربەخۆیەكان هاوكاری ماددی هەولێریان نەكرد، هاوكاری مەعنەویش نەبوون، خۆزگە تومەتباریان نەدەكردین، خۆزگە سوكایەتیان پێ نەدەكردین با هەر هاوكار نەبان.