ڕۆژی پێنجشەممە 18ی  کانوونی یەکەمی 2025، وەزارەتی خەزێنەی ئەمریکا ٢٩ کەشتیی دیکە و کۆمپانیاکانی بەڕێوەبردنیان بۆ لیستی سزاکانی کۆماری ئیسلامی ئێران زیاد کرد.

بەگوێرەی بەیاننامەیەک کە لە ماڵپەڕی دەزگای حکومەتی ئەمریکا بڵاوکراوەتەوە، ئەو کەشتیانە بەشێک بوون لە “بەلەمی جنۆکە” یان “بەلەمی سێبەر”ی ئێران و لە گواستنەوەی سەدان ملیۆن دۆلاری بەرهەمە نەوتی و پترۆکیمیاییەکانی ئەو وڵاتەدا بەشدار بوون.

تۆڕێکی کۆمپانیا و کەشتی کە لەلایەن بازرگانێکی میسری حاتم ئەلسەید فەرید ئیبراهیم سەقر بەڕێوەدەبرێت و چەند کۆمپانیایەک کە لە وڵاتانی وەک ئیماراتی یەکگرتووی عەرەبی، هیندستان، پەنەما و دوورگەکانی مارشال کاردەکەن، لەنێو ئەو کۆمپانیایانەدان کە بەپێی فەرمانی جێبەجێکردنی ساڵی ٢٠٢٣ بۆ لیستی سزاکان زیادکراون.

ئەم فەرمانە دوای دوو هەفتە لە گەڕانەوەی دۆناڵد ترەمپ بۆ کۆشکی سپی واژۆ کرا و کەرتی نەوت و پترۆکیمیای ئێران دەکاتە ئامانج.

 

 

 

گوڵان: سەردار خەلیل