كاتژمێر تەنیا ئامرازێك نییە بۆ زانینی كات، بەڵكو ئیمزایەكی جوانە لەسەر ستایل و زەوقی بەرزی ئافرەت. هەڵبژاردنی كاتژمێری گونجاو و شێوازی گونجاندنی لەگەڵ دەركەوتندا، تێگەیشتنێكی قووڵ لە یاساكانی ئێتیكێت و زەوقی بەرز دەردەخەن.

بۆ دەركەوتنەكانی ڕۆژانە یان كاژواڵ: باشترە دیزاینی سادە و هێمن هەڵبژێردرێت، وەك ئەو كاتژمێرانەی كە قایشی چەرمیان هەیە، یان میلێكی سادە، یان هەیكەلێكی لە پۆڵای دژەژەنگ دروست كراویان هەیە.

بۆ ئاهەنگ و بۆنە فەرمییەكان: دڵنیابە لە هەڵبژاردنی كاتژمێری جوان و خاوەن دیزاینی بەرز كە لە كانزای گرانبەها دروست كرابێت، یان بە ئەڵماس ڕازێندرابێتەوە، یان ئەوانەی میلەكەیان لە سەدەف دروست كراوە، چونكە ئەمانە جوانی و شكۆیەكی تایبەت دەبەخشن.

سەبارەت بە ژینگەی كار و بۆنە پیشەییەكان: پێویستە دیزاینی كلاسیكی بە ڕەنگی بێلایەن هەڵبژێردرێت، كە متمانەبەخۆبوون و پیشەییبوون نیشان بدات.

زۆر گرنگە كاتژمێر لەگەڵ ئەو ئەكسیسواراتانەدا بگونجێت كە ئافرەت لەدەستی دەكات، بۆ ئەوەی دەركەوتنێكی جوانی تەواوكەر لەگەڵ ئەو جلوبەرگانەدا بەدەست بهێنێت كە لەبەری دەكات.