هەڵبژاردن مافێكی رەوای هەموو
تاكێكی پێگەیشتووە كەوا دەنگی خۆی بدا بە هەر لایەن و كەسێك كە بروای پێیەتی، بەڵام لە كوردستان هەستم كردووە کە وانیە، زیاتر ناوچەگەرێتی و لایەنگیرییە، هەندێک جاریش ئیرهابی فیكری رولێكی خراپ لە دەست نیشانكردنی لایەنێكی سیاسی دەبینێت، با ئەم جارە بە لایەنگیریەوە بنوسم و بڵێم لە هەلبژاردنەكانی كوردستان و ئەنجومەنی نوێنەرانی عێراق زۆرم پێ سەیرە نەک بەس خەڵكی نەزان، بەڵکو خەڵكانێكی روشنبیریش هەن کەوا دەنگ بە یەکێتێ دەدەن، لەوانەیە خوێنەری بەرێزی روشنبیر بەهەڵە وتەكانم لێك بداتەوە، بەڵام با لە كۆتای بابەتەكەمدا بریار لەسەر لایرنگیریم بدات.
بۆ وا دەلێم؟ دەنگ دان بە پارتی ئەوە روون و ئاشکرایە بۆچی، چەند شتێک هەیە دەمەوێت باسی بکەم کە من بە گوێی خۆم بیستوومە و بە چاوەکانم بینیومە، ئەویش ئەوەیە هەر كە باسی ئاڵای كوردستان دەكرێت، ئەوا لایەنگرو كادری یەكێتی پێت دەڵێن ئاڵای پارتی و پارتیەكان. دووەم كە باسی سەربەخۆیی و ئازادی كوردستان و ناوچە دابراوەكان دەكرێت دیسا بە ئاشكرا پێت دەڵێن ئەمە پرۆژە سەقەتەكانی پارتی و پارتیەكانە.
سێیەم لە بەغداد هەرچی پروژەی دژە كورد هەیەو هەبووە كە من بەخۆم لە بەغداد بومە و بینیومە و بیستومە یەكسەر پارتی لەسەری بە وەلام دێت، بەڵام یەكێتی بەبێ بیركردنەوە و بە چاوی داخراو دەنگی بۆ دەدا، بۆ نمونە یاسای حەشدی شەعبی،
باسی ئێستا دەکەم روو لە لایەنگرانی یەكێتی دەكەم و تەنها یەك پرسیاریان لێ دەكەم: ئێوە بانگەشە بۆ چ شتێک دەكەن، چی دەلێن و چیتان لە هەگبەدایە؟ زۆرم پێخوشە بێن روو بەروو بڵێن ئێمە وامان كردووە، ئەوەمان كردوە، فڵانە پرۆژەمان تەواو كردوە، فلان و فیسار، هیچ نابینم، نەك وەك لایەنگری پاڕتی بەڵکو وەك كەسێكی كورد با كادرێكێ یەكێتی بێت و پێمان بڵێت فلان پڕوژەمان كردوە با ئێمەش بڵێین اشهدو وایە و ئێمە بە رق و کینە باسی ئێوەمان كردووە هەڵەبوین،
لایەنگڕانی یەكێتی بەردەوام دوو سێ سیدیان هەیە ٢٤ كاتژێر لێدەدەنەوە ئەوانیش ئەوەن: حكومەت هی پارتیە و پارتی تەنها خزمەتی هەولێر و دهۆك دەكات، بێگومان هەتا لەم بانگەشەیەشدا ئەوان هەم وڵامی خۆیان دەدەنەوە، هەمیش دوروویی لە وتە و رێكلام و بانگەشەكانیاندا هەیە، ئەگەر بپرسن چۆن؟ باشە ئێوە مادەم دەلێن پارتی لە دێگەلەوە یەك بەرێوەبەری قوتابخانەیەكی-شی پێ ناگۆردرێت ( تەبعەن ئەمە واتە ئێمەی یەكێتی ناهێلین و رێگاتان پێ نادەین) باشە مادەم پارتی لەسنورێ ئێوە بێ دەسەڵاتە، ئەی ئەم بۆلە بوڵە لە چیە، ئەی بۆ دەڵێن پارتی فەرق و جیاوازی دەكات، دە لێگەڕێن با پارتی و جەنابی سەرۆكی حكومەت ئەو دەستە ئاوەدانیەی لێرە هەیە با لەوێش هەر بۆ یەكجار تەنها یەكجار ئەنجام بدات، و كێشە و رێگری بۆ دروست نەکەن، بەڵكو شەقامی بەرەحمەت مام جەلالی باوكتان بۆ تەواو بكات، حەیامان چو لە ناو خەڵكی بێگانە هەر هیچ نا لەبەر خاتڕی روحی مام جەلال،
هەر بە جددی یەكێتی دەبێت لەم بانگەشەیەدا چی بڵێت.
داستانێكی تری وەک لالەزارتان بۆ دەكەین، سەرۆك حیزبی زیاترتان بو دەخەینە كوچەی زیندانەكان، وەبەرهێنەری ترتان بۆ دەردەكەین لە سلێمانی بۆ هەولێر، روژنامەنوسی ترتان بۆ دەكوژین، هونەرمەندی گەورەترتان بو دەردەكەین، لە سڵێمانی بۆ دەرەوە، یان جوێنی نوێتان فێر دەكەین، واتە هەر بەراست وایە بە بێ گالتەكردن.
سەیری نموونەیەكی نوێی زەق و سەردەمیانەی دەم پیسی هەندێک لە كادر و لایەنگری یەكێتی بكەن، من ڤیدیۆیەكی كەناڵێكم دیت لەسەر پرۆژەی ئاوی هەولێر كە هیچ گومانی تێدا نییە یەكێكە لە گەورەترین و جوانترین و گرنگتڕین پڕوژەكانی كابینەی جەنابی مەسرور بارزانی، پیرەمێڕدێكی بەتەمەن سپاسی خواو سپاسی جەنابی برا گەورەی دەكرد پەیجێكی ناوداری سڵیمانی بلاوی كردبوە بۆیان نوسیبوو (كوێلەی عەیاڕ ٢٤)، ئا ئەمەیە رەوشت و كەلتور و بیرو باوەرتان، چۆن بە پیرێكی بەسالا چو کە هەموو تەمەنی لەشاخ و داخ و سەرما و گەرما بە رێکردووە، نەوەكان و گەنجەكانت فێر بكەی بە هەرچی شتێكی باشی پارتی و بارزانی بڵێیت خراپە، دزراوە و پارەی میللەت و مووچەیە.
باشە رازین و هاوراین بە هەرچی شتی خراپی من و تو پاڕتی و هەر كەسێ بێ بڵێی نا و خراپ خو نەمان گوتوە پارتی مەعسومە لە هەڵەو گەندەڵی بەڵام پڕوژەی ئاو كارەبا رێگاو بان بەنداو كشتوكال لەهەموش گرنگتڕ ئەمن و ئاسایش ئەوجاش بێی بڵێی ئەمە دزرایە و فلا ن و فیسارە!! كەواتە ئەمە ناخ رەشی
و ئیراهابی فیكریە.
یان پێم باشە یەكێتی و سەرۆكەكەی بانگەشە بۆ ١٦ ی ئوكتوبەر بكەن و بڵێن ئەوەشمان كردووە، ئێستا ئەگەر من كەسێك بم لە دەرەوەی ولاتەوە هاتبمەووە و سەیری هەولێرو دهۆك و زاخو بكەم وە لە هەمان کاتدا سەیری سلێمانی وگەرمیان و هەلەبجەی شەهید بكەم، بە بێ دوودلی بۆ مێژوو و ویژدان شاهێدی دەدەم كەوا ئەوانەی لە هەولێرو و دهۆك دەسەڵاتدارن بەراستی پیاوی ئاوەدانی و خزمەتگوزاری و ئەمن و ئاسایشن، وە بەراستی دەوڵەتداری دەكەن.
بانگەشەی یەكێتی یەك خاڵیان زور بەلاوە گرنگە كە دەلێن حكومەتێك ناتوانێ مووچە بدات.
با باسی ئەم خالەش بكەم كەوا هەر لەخۆیدا ئەمەش دورووی و درۆی یەكێتی دەر دەخات، چونكە یەكەم شت هەر ئەوان بون لە سالی ٢٠١٤، پێشنیاریان بۆ مالیكی كرد كەوا مووچەی خەڵكی هەرێم ببڕێت تا وەكو حكومەتی هەرێم بكەوێتە سەر ئەژنۆ و هەرەس بێنێت، جا لێرە سەیری بەدرەوشتی و خائینی بەرپرسانی یەكێتی بكەن، خۆیان لە حكومەتن و لە جومگە هەستیارەكانیشن كەچی بە خەڵك دەڵین حكومەتی هەرێم فەشەلی هێناوە مووچەی پێ نادرێت وە هەروەها وەك گوتم هەرخوشیان پێشنیاری بڕینی مووچەیان داوەتە دەست بغداد، واتە با میللەتێك رەزیل و برسی ببێ هیچ كێشەت نیە، تەنها با حكومەتێك كە پاڕتی سەروكایەتی دەكا هەرەس بێنێ كە خوشت بەشێكی لەم حكومەتە، واتە هاوكێشەیەكی زۆرئالوزی زنجیرە خیانەتێكی یەك بەدوای یەكدایە.
من ئەو قسەیە دەكەم لێشی بەرپرسم، ئەگەر رێگە بدرێتە خەڵكی روشنبیری سلێمانی بە ویژدان و بێ ترس دەنگ بە پارتی دەدات، بەڵام سیاسەتی یەكێتی لەسلێمانی هەمان سیاسەتی شیعەی بەغدایە، چۆن؟ هەر چەند جوێن بە پارتی بدەیت و دژایەتی هەولێر بكەیت ئەوا لە شاری سلێمانی خوشەویستی و كوێلە نیت و دەنگی زیاتریش دێنیت، بۆ نموونە بانگەشەی پاڤل چبوو؟ بە اللە تێك دەدەین، بە اللە دەتان وەستێنین، بۆ كوێ ئەرۆن برۆن، هەر ئەتان دۆزینەوە، هاتین بۆ گیانتان، ئەمە وتەی سەرۆك حیزبە لە بانگەشەی هەڵبژاردن لە كوردستان، ئەمە ئەگەر هەر عاقڵێك، روشنبیرێك و كوردێكی بەشەرف گوێی لێ بێت مەگەر گوێچكەكانی داخراو بن ئەگەر نا شەرم لەخۆی دەكاتەوە و ئارەقە دەكات. سەیری بانگەشەی پارتی دەكەم هێور و لەسەر خۆ یە، باسی بەرنامە و پرۆژە و پلانی داهاتو دەکات، وامان گوت و وامان كرد، نە جوێن، نە قیژە قیژ، نە مایك شكاندن، نە تەشهیر و استفزاز كردن، خەڵك دڵی پێ خۆشە و دڵی پێ دەكرێتەوە، هیوای بۆ دروست دەبێت و هەست دەكات لە شوێن و بن دەستێكی ئەمینە.