لە ساڵی 2008 لە بیابانی نامیبیا لە كاتی دەرهێنانی ئەڵماسدا  ئەم كەشتییەكە لە ساڵی 1533 نوقم بووە دۆزراوەتەوە. كەشتییە لەناوچووەكە كە بارێكی بەنرخی دراوی زێڕی ئیسپانی و پورتوگالی و كۆپانەكانی مسی ئەڵمانی و عاجی فیلی لەخۆ گرتبوو، بەهۆی خۆڵەوە پارێزراو بووە و بووەتە دۆزینەوەیەكی شوێنەواریی بەرچاو. بەرواری وێرانبوونی كەشتییەكە ساڵی 1533 بووە و لەكاتی كاركردن لە كانەكانی ئەڵماس لە كەنارەكانی نامیبیا دۆزرایەوە. بارەكەی دراوی زێڕی ئیسپانی و پورتوگالی، نزیكەی 2000 كۆپری مسی ئەڵمانی و زیاتر لە 100 عاجی فیل بووە. كەشتیی Bom Jesus كۆنترین كەشتیی نوقمبووە و بەنرخترین كەشتییە كە لە كەناراوەكانی ئەفریقادا دۆزراوەتەوە، پاشماوەی كەشتییەكە لەژێر چینەكانی خۆڵدا بوو، كە بە شێوەیەكی سەرسوڕهێنەر ڕێگریی لە ڕووتانەوەی دەكردووە و پاراستوویەتی. دراوەكان یارمەتیدەر بوون بۆ پشتڕاستكردنەوەی ناسنامە و سەردەمی كەشتییەكە. كۆی بەهای دۆزراوەكان لەلایەن پسپۆڕانەوە بە 13 ملیۆن دۆلار خەمڵێندراوە.