خۆری عێراق بەرەو ئاوا بون دەچێت نەک تەنها ئاوا دەبێت بەڵکو خۆرو مانگ و ئەستێرە و ئاسمان و ئەرزی پێکەوە ئاوا دەبن و مێژویەکی پڕ مەترسی و نەهامەتی دەیگرێتەوە بۆ ماوەیەک خامۆشی و نائارامی و لێڵی سیاسەت باڵ دەکێشێت.  هەمو لایەن و سەرۆک حزب و ڕۆژنامە نوس و میدیاکار باس لەوە دەکەن وادەی تەمەنی دەسەتەڵاتی شیعە لە عێراق کۆتایی هاتووە بەرەو ئاوابون دەچێت تەنها بابەتەکە لەسەر کات ماوە. چونکە ئەمەریکا نایەوێ بەدەستی خۆی دەسەڵاتێکی کۆپیکراوی هاوشێوەی ئێران لە عێراقدا درێژە بکێشێ و لە دواییدا ببێتە هەڕەشە و مەترسی بۆی.  دەڵێن سەرۆکی پەرلەمان هۆشداری داوە کە هێرشی سەر عێراق دەکرێت، مالکی بەهەمان شێوە لێدوانی داوە و نیگەرانە و دەڵێ پەلاماردانی گروپەکان لە ئان و ساتدایە، بەڕێز سودانیش هەروا دەڵێ بارودۆخی عێراق سەقامگیر نیە و مەترسی هەیە. زۆربەی سەرکردە سونەکان و بەشێکی کوردیش وەک ڕۆنی سەر ئاگر گەرمن و وا دەڵێن. ئێرانیش دەخوازێت هەرکات کەوتە شەڕەوە عێراقیش هاوبەشی بێت.  ئەمەریکیە کانیش کە بڕیار بوو مانگی نۆ بکشێنەوە کەچی کتوپڕ کشانەوە و ساحەکەیان چۆڵکرد، پێشتر چەند جارێک ئاگاداریان داوە بە عێراقیەکان بەڵام تەواو گەیشتنە بنبەست عێراق بڕیاری لای خۆی نیە و داواکانی ئەمریکای پشتگوێ خستوە تا ئێستا. کشانەوەکە ئاماژەیەکە ئەوەی ئێستا هەیە و دەگوزەرێ بەدڵی وڵاتە یەکگرتوەکانی ئەمەریکا نیە. کەواتە دەستی بەرداوە لەم دەستەڵاتە و نایانەوێ عێراق ژێر دەستە بێت . چونکە عێراق کیان و سەروەری و خاک و ئاو زمان و فەرهەنگ و مێژوو جیوپۆلۆتیکی جودایە. ئەمەش دڵە ڕاوکێ و ترس و نا ئارامی دروست دەکات چ لەناو سەربازانی و چ لەناو کۆمەڵگای عێراقیدا.  پێشتر هەرچیان دەکرد بە پاڵپشتی ئەمەریکا بوو ئێستا دیواری ئەو لایە ڕوخا و بەرگریکاری سەرەکی نەماوە. چونکە عێراق ڕێنمای سەربازی و هەواڵگری پشتیوانی ئاسمانی دەکرا لە لایەن ئەمەریکاوە. ئەم بۆشاییە زیاتر ڕێگاو پاڵپشتی و ورەی بەرز دەداتە گروپە چەکدارەکان بۆ پەلاماردان.  بەڵام ئەوانەی هێرش دەکەن جارێ هیچیان نەوتوە و کاتیان دیاری نەکردوە.  کاتێک هێزە ئاسمانیەکانی ئەمەریکاو ئیسرائیل گورزی کاریگەر دەسرەوێننە میلیشیاکان. ئەوکات چاوەڕوانی کەوتنی بەشێک لە ناوچەکانی عێراق دەکرێت.  هێرش بەرەکان  ئەوەندەی جێ پێی خۆیان کردەوە هیچ هێزێکی عێراقی لە پاش نەمانی ورە و نەمانی بڕوا بە ئایندەی عێراق هاو شێوەی موسڵ لە سەرهەڵدانی داعش هەڵدێن و بەرنگار بونەوە زۆر لاواز ڕودەدات و دەبێتە کەوتنی دەسەڵاتی ئێستای عێراق. زەنگە مەترسیەکە  لەگەڵ ڕۆیشتنی ئەمریکیەکان لێدراوە.  وێڕای ئەم دواکەوتنەی عێراق کە ئێستا تیایدا دەژی لەوانەیە بیست تا بیست و پێنج ساڵی دیکە عێراق بگەڕێتە دواوەو پاشەکشە بکات.  کاتی کەوتن بەشەکەی سەر بە ئێران هەرچۆن فریا بکەون لەو سنورانەوە خۆیان ئاودیوی ئێران دەکەن.  تا ئێستا قسەیە و کردار نەبینراوە بەڵام ئاماژەکان بۆ چارەنوسی عێراق کاتی زیاتر نەماوە و دەبێت یەکلا بکرێتەوە بە گورزو لێدان بێت یا وشککردنی سەرچاوە داراییەکان بێت لە ئێستادا بۆشایی ئەمنی زیاتر بووە.  هەموو بژاردەکان ئەوەیە لە عێراق دەدەن وە گروپەکانیش جوڵەو دەرکەوتن و چالاکیان زۆر بووە لە سنورەکان ولە هەندێک ناوچە و شوێن شانە نوستوەکانیان دەخەنەوە کار. ڕێک کۆپی  سیاسەتی سوریا بۆ عێراق پێست دەکەن و ناوەکەش دەگۆڕن لە ئیسلامی سیاسی توند ڕەو بۆ ئیسلامێکی نیمچە عیلمانی  سونە.  دەگێڕنەوە دەڵێن پیاوێک ون دەبێت کوڕەکانی بەدوایدا دەگەڕێن لێی دەپرسن نەتان دیەوە دەڵێ نا بەس ئەڵێن پیاوێک گورک خواردویەتی و ئێمەش باوکمان دیار نییە.

 

                                                                        ٢٦/٨/٢٠٢٥