پشت ئێشە واتە بوونی گرفت لە ماسوولكەكانی دەوری بڕبرەكان، یان لە دەمارەكان یان شانەكانی دیكەی پەیوەست بە بڕبڕەی پشت وەكو بەستەر و ژێی ماسوولكەكان. لەم حاڵەتانەی پشت ئێشەدا پێویست بە سەردانی دكتۆر دەكات بۆ پشكنین و دۆزینەوەی هۆكار و چارەسەركردنی: ئەگەر ئازاری پشت لە پاش شەش هەفتەدا سووكتر نەبوو و وەكو خۆی مایەوە و، ئەگەر كاریگەریی كردە سەر توانای خەوتن و ئەنجامدانی چالاكییەكانی ڕۆژانە.

 لەم حاڵەتانەدا پێویست بە خێرا سەردانی بەشی فریاكەوتنی نەخۆشخانە دەكات: ئەگەر ئازاری پشت توند بێت و بە شێوەیەكی كتوپڕ سەرهەڵبدات، ئەگەر ئازاری پشت پاش زەبر یان كەوتن یان كارەساتێك ڕوو بدات، ئەگەر ئازار هاوكات بێت لەگەڵ تا یان نەبوونی توانا بۆ پیادەڕۆیی و جووڵەی تر، بوونی نیشانەی دیكەی وەكو بێهێزبوونی ماسوولكەكانی ڕان و قاچ یان تەزینی قاچەكان، گرفت لە كۆنتڕۆڵكردنی میز، یان هاوكات بێت لەگەڵ دابەزینی كێشی لەش.