بە بۆنەى(20)ـەمین ساڵیادی دامەزراندنی دەزگای خێرخوازیی بارزانی، گەرمترین پیرۆزبایی خۆم ئاراستەی جەنابی سەرۆك بارزانی، جەنابی مەسرور بارزانی سەرۆكی بۆردی دامەزرێنەرانی دەزگای خێرخوازیی بارزانی و بەڕێزان موسا ئەحمەد سەرۆكی دەزگا و کارمەندان و خۆبەخشانی دەزگای خێرخوازیی بارزانی دەکەم.
دەزگای خێرخوازیی بارزانی، جگە لە هاوكاری و بەهاناوەچوونی ئاوارە و پەنابەران لە هەرێمی كوردستان، لە چەندین سێكتەری دیكە و جیاوازدا، خاوەن پڕۆژە بووە، بەتایبەتی لە وەبەرهێنان و بونیادنان، دەستی هاریكارییەكانیشی نەك سنووری ناوچەكەی بڕیوە، بگرە چەندین وڵاتی دیكەشی گرتووەتەوە.
هیوادارین ئەم دەزگایە كە هەڵگری ناوی پیرۆزی بارزانیی نەمرە، لەسەر ئەم ڕێچكە مرۆییە بەردەوام بێت و هەردەم زیاتر بتوانێت هاوكاریی مرۆیی بە نیازمەندان پێشكەش بكات.
دووبارە (20)ـەمین ساڵیادی دامەزراندنی دەزگای خێرخوازیی بارزانی پیرۆز بێت.

لەگەڵ ڕێزدا
فەرهاد محەمەد – سەرنووسەری گۆڤاری گوڵان

4/8/2025