لە هێرشەکانی سوپای ئیسرائیل بۆ سەر کەرتی غەززە لە بەرەبەیانی ڕۆژی شەممە 3ی ئایار، ٢٨ فەلەستینی کوژراون، هەروەها منداڵێکیش بەهۆی بەدخۆراکییەوە گیانی لەدەستداوە.

سەرچاوە پزیشکییەکان لە کەرتی غەززە ڕایانگەیاند: کە ١٩ فەلەستینی لە هێرشەکانی ئیسرائیل بۆ سەر ماڵ و خێمەکانی پەنابەران لە خان یونس لە باشووری غەززە کوژراون کە ژمارەیەکیان منداڵ و کۆرپە بوون.

هەروەها دوو گەنجی فەلەستینی لە هێرشێكی فڕۆکەی بێ بێفڕۆکەوان بۆ سەر گەڕەکی ئەلدەرج لە شاری غەززە کوژران.

هەروەها فەلەستینییەک لە شەقامی ئەلمجەمع کوژرا و هاوسەرەکەی و دوو منداڵەکەشی بریندار بوون.

فەلەستینییەکی دیکەش لە ناوچەی ئەلمحەتە لە شاری خان یونس کوژرا و منداڵێکیش لە ناوچەی ئەسدا لە باکووری غەززە کوژرا.

بەهۆی هێرشی فڕۆکەی بێفڕۆکەوان بۆ سەر ماڵێک لە خان یونس ژنێکی دووگیان گیانی لەدەستدا و کەسێکی دیکەش بریندار بوو.

سەرەڕای ئەوەش، لەگەڵ بەردەوامبوونی قەدەغەکردنی یارمەتییە مرۆییەکان بۆ ناو کەرتی غەززە، کچێکی بچووک بەهۆی بەدخۆراکییەوە گیانی لەدەستدا.

 

 

 

گوڵان: سەردار خەلیل