خوێندکارانی زانکۆکانی ئیستەنبوڵ لە گۆڕەپانی "شیشەهان"  گردبوونەوەیەکی ناڕەزایەتییان ئەنجامدا بۆ ئیدانەکردنی ئەشکەنجەدانی ئەو خوێندکارانەی لە شاری ئەنقەرە دەستگیرکراون.

لە بەیاننامەیەکدا کە لەلایەن خوێندکاران خوێندرایەوە، تێیدا هاتووە: "ئەو دەستگیرکردن، زیندانیکردن و ئەشکەنجەدانانەی کە لە 19 ی ئادارەوە دژی گەنجان ئەنجامدراوە، بەڕێکەوت نییە و بەشێکە لە سیاسەتە سیستماتیکیەکانی پارتی داد و گەشەپێدان (ئاکەپە) بۆ گوشار و تۆقاندن".  

لە کۆتایی بەیاننامەکەدا، خوێندکارەکان ڕایانگەیاند: کە ئەوان بناغەی جیهانێکی نوێ دادەنێن، هەروەها گوتیان: "بە تێکشکاندنی سیاسەتە تاریکەکانی حکومەت ، پێکەوە ئایندەیەکی یەکسان، ئازاد و یەکگرتوو دروست دەکەن.

خۆپیشاندەران داوای لێکۆڵینەوەیان لە هێزەکانی پۆلیسی ئەشکەنجەدەر و دادگاییکردنیان کرد.

 

 

 

 

گوڵان: سەردار خەلیل