مانگی ڕەمەزان بە كەشوهەوای ڕۆحی و گرێدانی بە بەها تەندروستی و كۆمەڵایەتییەكانەوە تایبەتمەندە، بەڵام ئەو گۆڕانكارییانەی بەسەر شێوازی ژیاندا دێن لەم مانگەدا، ڕەنگە كاریگەریی بەرچاویان لەسەر پێست هەبێت، بۆیە پێویستمان بە گرنگیدانی زیاتر دەبێت.

پاككردنەوەی پێست: پاككەرەوەیەكی نەرم بەكار بهێنە كە گونجاو بێت بۆ جۆری پێستت بۆ لابردنی پیسی و چەوری. پێویستە ڕۆژانە دوو جار پێستت پاك بكەیتەوە، بەیانیان و پێش خەوتن.

سوود وەرگرتن لە زەیتی سرووشتی: زەیتەكان وەكو زەیتی گوێزی هندی یان زەیتی بادەم، یارمەتیدەرن بۆ شێداركردنی پێست بە شێوەیەكی كاریگەر.

ئامادەكردنی ڕوتینی شەوانە: پێش خەوتن، سیرۆمێكی دژە پیربوون یان كرێمێكی شەوانەی خۆراكبەخش بەكار بهێنە. بەدوای ئەو بەرهەمانەدا بگەڕێ كە ماددە خۆراكییە سەرەكییەكانی تێدایە وەكو ڤیتامین C و E.

شێداركردن: شەوانە شێداركەرەوەیەكی چڕ بەكاربهێنە بۆ دڵنیابوون لەوەی پێست بە درێژایی شەو بەشێداری دەمێنێتەوە.

بەكارهێنانی ماسكی شێداركەرەوە: دەتوانیت ماسكێكی شەوانە بەكار بهێنیت بۆ زیاتر شێداركردنی پێست، بۆ ئەوەی بەهێزی بكەیت و زیندوویی بۆ بگەڕێنیتەوە.