واباشترە كە لە ژەمی بەربانگ (فتار)دا بڕی وەرگرتنی كالۆری سنووردار بكرێت لە ڕێگەی خواردنی بڕی بچووك لە خۆراكی تەندروست، بەمەبەستی ڕێگرتن لە هەستكردنی زۆری ڕۆژووەوان بە هیلاكی و برسیبوون و كەمبوونەوەی تەركیز، بۆنموونە دووركەوتنەوە لە:

• شلەمەنییە شیرینكراوەكان Sweet beverages، هەروەها دواخستنی خواردنی شیرینی بۆ 2-3 كاتژمێر پاش فتاركردنەوە، بەمەرجێك بە بڕی كەم بێت، چونكە بڕی زیاد هۆكارە بۆ دواكەوتنی هەرسبوونی خۆراك و كۆبوونەوەی گاز لە ڕێڕەوەكانی كۆئەندامی هەرسدا، هاوكات لەگەڵ هەڵبەزین و دابەزینی ئاستی شەكری خوێن كە ئارەزووی خواردن بۆ شیرینی زیاد دەكات.

•  بڕی زیادی خۆراكی پرۆتینی، چونكە دەبێتە ئەگەری كەمبوونەوەی ڕێژەی شلەی لەش و زیاد هەستكردن بە تینووبوون.

• خۆراكی سوێر (شۆر)، بۆنموونە خەیارشۆر، ترشیات، زەیتوون، سۆسەج و گۆشتی پرۆسێسكراو، پەنیری شۆركراو.

• قاوە و چای، چونكە ماددە كافائین لەخۆدەگرن، كە هاندەرە بۆ كەمبوونەوەی شلەی لەش و هەستكردن بە تینووبوون، هەروەها لە هەندێك كەسدا دەبنە ئەگەری سەرئێشە و بۆرژان لە ساتەكانی ڕۆژوودا.