سەركێشیی خۆهەڵدان لە شوێنی بەرز
December 2, 2022
رەنگا و ڕەنگ
خۆهەڵدان خۆشترین هەستت پێ دەبەخشێت و لە هەمان كاتیشدا حاڵەتێكی ترسناكت بۆ دروست دەكات، تەنانەت وادەزانی باڵندەیەكیت و بە ئاسمانەوە دەفڕیت، چەندین گرووپی خۆهەڵدان بۆ ئەو سەركێشییە لە جیهاندا هەن، دواجار بەهۆی وێنەی سێلفی و كامێرای كوالیتی بەرزەوە، توانیویانە وێنەی خۆهەڵدان لەو كاتەی بە ئاسمانەوەن بگرن، وێنەكان جێگەی سەرنجن، هەندێكیان تەنیا ئاسمان دیارە و هەندێكی دیكەش زەوی كە بەرەو خوارەوە دەچیت، چەندین شوێنی بەرز لە جیهان دەستنیشان كراون بۆ خۆهەڵدان، لەوانە: تاوەری ماكاو لە وڵاتی چین كە (233) مەتر بەرزە، بەنداوی ڤیرانسكا لە وڵاتی سویسرا (220) مەتر بەرزە، بەرزاییەكانی رووباری بووتی كووزی لە وڵاتی نیپاڵ (160) مەتر بەرزە بۆ خۆهەڵدان گونجاون.
