دوو شێر لە باخچەی ئاژەڵانی ئەراک لە وڵاتی ئێران هێرشیان کردە سەر پاسەوانێک و کوشتیان و لە قەفەزەكانیان هەڵهاتن و چوونە ناو باخچەی ئاژەڵان.

فەرمانگەی پەیوەندییە گشتییەکانی شارەوانیی ئەراک ئەو هەواڵەیان پشتڕاست کردەوە و گوتیان:  ئەو پاسەوانە 38 ساڵە کاتێک هێرشی کرایە سەر كە بەنیازبوو خواردن بە شیرەکان بدات.

فەرمانگەی پەیوەندییە گشتییەکانی شارەوانیی ئەراک ڕایگەیاند: کە بەرپرسانی شارەوانی و پۆلیسی ژینگە پارێزی و چاودێرانی باخچەی ئاژەڵان توانیان دوو شیرەکە بە زیندوویی بگرنەوە.

میدیاکانی ناوخۆ ڕایانگەیاندووە:  کە پاسەوانەکە چووەتە ناو ناوچەی بەخێوكردنی شێرەکان بۆ ئەوەی خواردنیان پێ بدات لەو كاتدا دوو شێرەكە هێرشیان كردووەتەسەر و كوشتیان .

باخچەی ئاژەڵانی ئەراک ڕووبەری 32 هێکتارە  و دەوترێت، كە ٤٦ جۆر لە ٤٦٠ گیانلەبەر لەم كۆكراوەیەدا دەپارێزرێن ، وەك ئاسکە زەردەی ئێرانی، بەران و شێر و ورچ و هەڵۆ و چەندەها ئاژەڵی دیكە لەم باخچەیەدا.

 

 

 

كوڵان: سەردار خەلیل