بەرپرسی ھۆبەی لایەنە سیاسییەکان لە ئۆفیسی ھەولێری کۆمیسیۆنی ھەڵبژاردنەکانی عێراق ڕای دەگەیەنێت، سەرجەم ئەو لایەنە سیاسییانە لە کۆمیسیۆن ناویان تۆمارە و مۆڵەتیان ھەیە، ناوی خۆیان بۆ ھەڵبژاردنى پێشوەختە تۆمار کردووە.

فەرھاد ئەسعەد شێتنەیی، بەرپرسی ھۆبەی لایەنە سیاسییەکان لە ئۆفیسی ھەولێری کۆمیسیۆنی ھەڵبژاردنەکانی عێراق، ڕاگەیاند: "سەرجەم لایەنە سیاسییەکان ناویان بۆ ھەڵبژاردنی پێشوەختە تۆمار کردووە و ھەموو ڕێکارەکانیان تەواو بووە".

لەبارەی تۆمارکردنی ناوی کاندیدەکان، گوتی: "تا ئێستا نۆ کاندیدی سەربەخۆ ناوی خۆیان لە ھەولێر تۆمار کردووە، ناوی کاندیدەکانیش لای کۆمیسیۆن پارێزراوە، بەڵام لایەنە سیاسییەکان تا ئێستا ناوی کاندیدەکانیان ڕادەست نەکردووە".

لەبارەی وادەی کۆتاییھاتنی ماوەی تۆماری کاندیدەکان و لایەنە سیاسییەکان، فه‌رهاد ئه‌سعه‌د باسى له‌وه‌ كرد، كه‌ 17/4/2021، دواهەمین وادەیە بۆ تۆماری کاندیدەکان و لایەنە سیاسییەکان.





باسنيوز