گەنجێكی دانیشتووی شاری سلێمانی لەگەڵ كەسوكارەكەی یەكەم رۆژی جەژنی نەورۆز بەمەبەستی گەشتكردن چووەتە سەیرانگەی دووكان و لە كاتی مەلەكردن لە زێی بچووك خنکا، ئێوارەی ئەمڕۆ تەرمەكەی دۆزرایەوە.

ڕێژین ڕەئووف، بەڕێوەبەری گەشتوگوزاری دووكان، ڕایگەیاند: "رۆژی یەكشەممەی رابردوو كە یەكەم رۆژی نەورۆز بوو، گەنجێكی تەمەن 22 ساڵ بە ناوی (ع، ع) كە بەمەبەستی گەشتكردن لەگەڵ کەسوکارەکەی هاتبوونە سنووری دووكان لەكاتی مەلەكردن لە زێ بچووك خنکا و لەو كاتەوە تا ئێوارەی ئەمڕۆ گەڕان بەدوای تەرمەكەی لەلایەن تیمەکانی بەرگریی شارستانیی دووكانەوە بەردەوام بوو".

گوتیشی: "ئێوارەی ئەمڕۆ سێشەممە تەرمی ئەو گەنجە لە هەمان ئەو شوێنەی كە خنكابوو لەلایەن تیمەكانی بەرگریی شارستانی و مەلەوانانی ناوچەكەوە دۆزرایەوە".











باسنیوز