جێگرى سوپاسالارى وەزارەتى پێشمەرگە ڕوونکردنەوە لەبارەی سێ مووچەکەی لیوایەکانی پێشمەرگە دەدا.

قارەمان کەمال، جێگرى سوپاسالارى وەزارەتى پێشمەرگە، ئەمڕۆ پێنجشەممە لە کۆنفرانسێکى رۆژنامەنوسیدا رایگەیاند: "ئەمریکا و هاوپەیمانان سوورن لەسەر خەرجکردنى سێ مووچەکەی لیوایەکان، بەڵام هێشتا پارەکە نەخراوەتە سەر هەژمارى بانکى وەزارەتى پێشمەرگە".

گوتیشى: "تا ئێستا دیار نییە کەى پارەکە دەگات، بەڵام پێمانوایە بەم نزیکانە دەبێت و کێشەی تێدا نییە".

جەختیشیکردەوە، هاوکارییەکانى هاوپەیمانان تا ئێستا بەردەوامە و تەنها لیواکانى وەزارەتى پێشمەرگە سودمەند دەبن لێی کە بڕەکەی 20 ملیۆن دۆلارە و 30 هەزار پێشمەرگە لێی سودمەند دەبن.
basnews -