ئەمشەوی پێنجشەممە محەمەد حەلبووسی سەرۆكی پەرلەمانی عێراق پێشوازی لە شاندی باڵای حكوومەتی هەرێمی كوردستان كرد بە سەرۆكایەتیی قوباد تاڵەبانی جێگری سەرۆك وەزیران، پرسی بودجەی گشتیی ئەمساڵی عێراق و بەشی هەرێمی كوردستانیان لە بودجەدا تاوتوێ كرد.

لەمبارەیەوە نووسینگەی ڕاگەیاندنی حەلبووسی بڵاوی كرده‌وه‌ كە لە دیدارەکەدا دوا پێشهاتە سیاسی و ئابووری و ئاسایشییەكانی عێراق و هەرێمی كوردستان تاوتوێ كراون.

هەردوولا دووپاتیان لەسەر پێویستی یەكلاكردنەوەی بودجەی گشتیی ئەمساڵی عێراق و بەشی هەرێمی كورردستان كردەوە بە پێی دەستوور.

جێی باسە هەر ئەمشەو شاندە باڵاكەی هەرێمی كوردستان لەگەڵ مستەفا كازمی سەرۆك وەزیرانی عێراقیش كۆبووەوە.
basnews -