دناڤ ئێزدیاندا 8 جەژن هەنە ژوانا ژی سێ‌ جەژن ل پەرستگەها لالش دهێنە گێران و پێنج جەژن دناڤ جڤاكێ ئێزدیدا دهێنە گێران، جەژنا خدر لیاس ئێكە ژوان جەژنێن ناڤ جڤاكێ ئێزدیدا هێتە گێران.

خواجە خەتاری، زانایی ئۆلا ئێزدیان دیار كر كو: "ئەڤرۆ 18/2/2021ێ‌ جەژنا خدر لیاسێیە، ئەڤ جەژنا دناڤ پتریا ملەتێن كەڤندا دهێتە گێران كو جڤاكێ ئێزدی ئێك ژوان جڤاكایە. ئەڤ رێوەرسمێن جەژنا خدر لیاس پاراستینە هەتا نۆكە دناڤ ئێزدیان رێوەرەسمێن جەژنا خدر لیاس دهێنە گێران وئێزدی گەلەك گرنگیێ‌ پێ‌ دەن. چەندین نیشانگەهێن خدرلیاس ل دەڤەرێن ئێزدیان وپەرستگەها لالش هەنە باوەریا ئێزدیان دا د شەڤا جەژنێدا هەر گەنجەكی د خەونا خۆدا بچت ئاڤێ ل مالەكی ڤەخۆت دبێژن دێ‌ كچا وێ‌ مالی بیتە نەسیبێ‌ وی، هەمان تشت بۆ كچان ژی هەیە".

گۆتژی: "جەژنا خدر لیاس گرێدانەك ب وەرزێ‌ چاندنێ‌ وسروشتێ ڤە هەیە. بەرێ‌ جەژنێ‌ ئێزدی نێچیرێ‌ ناكەن هەتا ژی سەربر ناهێنە سەرژێكرن. ئێزدی د وان رۆژاندا ب ریێن دوور ناچن. جوتیارێن ئێزدی بۆ خێر وبەرەكەتێ‌ هندەك پێخوونێ‌ دبەنە ناڤ زەڤیێن خۆ یێن چاندنێ‌".

خەتاری ئاشكەرا كر: "ئێزدی بەری رۆژا جەژنێ‌ قەلاتكا چێدكەن وان قەلاتكا دكەنە پێخوون ئەوژی ژ گەنم وجەه و نۆك و توڤك یێ‌ پێكهاتیە".






باسنیوز