پارێزه‌ری كه‌یسی زانا ساڵح، قایمقامی پێشووتری سلێمانی، ئاشكرای كرد ئه‌وانه‌ی له‌ دۆسیه‌ی كوشتنی زانا ساڵح تێوه‌گلاون، ئێسته‌ ئازادن، ده‌شپرسێ بۆچی كه‌ زانا ساڵح كوژرا، كه‌س نه‌بوو كه‌مپین بۆ ئه‌و كه‌یسه‌ ڕێك بخات؟

ئه‌مڕۆ چوارشه‌ممه‌ 17/2/2021، پارێزه‌ر عومه‌ر تۆفیق، له‌ ده‌سته‌ی پارێزه‌رانی سلێمانی و پارێزه‌ری که‌یسی زانا ساڵح، قایمقامی پێشووتری سلێمانی له‌ باره‌ی ده‌رئه‌نجامی كه‌یسی زانا ساڵحه‌وه‌ ئاشكرای كرد، ئه‌وانه‌ی له‌ کوشتنی زانا ساڵح تێوه‌ گلاون، ئێستا ئازادن و به‌رپرسیاریه‌تیان پێدراوه‌ و یه‌کێک له‌و که‌سانه‌ی له‌ که‌یسه‌که‌ گلاوه‌ بایی 3.5 ملیۆن دۆلار له‌ تورکیا ڤیللای بۆ کڕدراوه‌.

ئه‌وه‌شی خسته‌ روو، كه‌ زانا ساڵح، له‌ گوته‌كانیدا هه‌موو شتێکی ره‌ت کردووه‌ته‌وه‌ به‌ڵگه‌ له‌سه‌ری نه‌بووه‌ و دانی نه‌ناوه‌ به‌ هیچ له‌و تۆمه‌تانه‌ی بۆی دانرابوو، شێرزاد حافز، په‌رله‌مانتاری پێشوو،‌ چووه‌ته‌ شوێنی زانا ساڵح و له‌وێ ته‌نیا سه‌به‌ته‌یه‌کی بینیوه و وه‌ره‌قه لێ بووه‌ وه‌ره‌قه‌کانیش نه‌ڕژاون،‌ ئه‌و سه‌به‌ته‌ توانای ڕاگرتنی پێنج کیلۆی نییه‌ تا كه‌سێكی وه‌کوو زانا ساڵح بچێته‌ سه‌ری و خۆی پێدا به‌رز بکاته‌وه،‌ ئه‌وانه‌شی پێش مردنی سه‌ردانی زانایان کردووه‌ نه‌یانبینیوه و‌ دوای مردنی بینیویانه‌، له ‌دادگاش سکاڵا له‌سه‌ر ئاسایشی سلێمانی تۆمار کر، دواتر "بینیمان چی له‌و که‌یسه‌ کرا و ناوی دوو به‌رپرسی یه‌کێتی دراوه‌ و یه‌کێک له‌و به‌رپرسانه‌ په‌لاماری دام لێم بدات، بۆچی له‌و که‌یسه‌دا که‌مپین نه‌کرا و به‌ به‌رچاوی خه‌ڵکه‌وه‌ ئاوا له‌ قایمقامی سلێمانی کرا".

پارێزه‌ره‌كه‌ی كه‌یسی زانا ساڵح، راشیگه‌یاند: کاتێک له‌ نووسینگه‌ی سکرتێری گشتی دوو کەس هاتن بۆ ماڵی زانا، له‌وێ پرسییان تۆ چی ده‌که‌ی؟ گوتم پارێزه‌ری زانام، پێیان گوتم ئیشمان به‌ تۆ نییه‌ و بڕۆ ده‌ره‌وه،‌ چونکه‌ ماڵی زانای قایمقام رازی نه‌بوون بینێژن، دواتر که‌ له‌ ماڵی زانا هاتنه‌ ده‌ره‌وه، گوتیان که‌یسه‌که‌ ته‌واو بووه‌ و بینێژن، به‌داخه‌وه‌ بۆچی ئه‌و کاته‌ که‌س نه‌بوو که‌مپین ڕێك بخا.

دووپاتیشی كرده‌وه‌، كه‌ بواری دادوه‌ری له‌ سلێمانی کێشەی هەیە و زۆر کەس بوونەتە دەسکەلای حزبن".













باسنيوز