سەرۆکی حکوومەتی هەرێمی کوردستان رایدەگەیەنێت، بە ئیرادەیەکی بەهێزتر رووبەڕووی تیرۆریست و ناحەزانی گەلی کوردستان دەبنەوە.

ئەمڕۆ سێشەممە 16-2-2021، مەسرور بارزانی، سەرۆکی حکوومەتی هەرێمی کوردستان لە پەیجی تایبەتیی خۆی لە تۆڕی کۆمەڵایەتیی (فەیسبووک)، رایگەیاندووە، هەرێمی کوردستان لە رێڕەوی خۆی بەرەو سەرکەوتن و پێشکەوتن بەردەوام دەبێت و ناوەستێت.

مەسرور بارزانی هەروەها رایگەیاندووە، کە ”هەرچەند ناحەزان و تيرۆریستان، هەوڵی ئازاردانی گەلەکەمان بدەن و بە کردەوە ترسنۆکەکانیان ، خەریکی تێکدانی سەقامگیریی هەرێمی کوردستان بن و بیانەوێ کۆسپ لە سەر ڕێگامان بۆ سەرکەوتن و پێشکەوتن دروست بکەن، ئێمە بە ئیرادەیەکی بەهێزتر ، ڕووبەڕوویان دەبینەوە“.





باسنيوز