ریڤەبەرێ‌ ناحیا سنوونێ‌ دیار كر كو ژئەگەرا روودانا ئاگربەبوونێ‌ دوو ئەندامێن خێزانەكێ‌ گیانێ‌ خۆ ژدەستدان ل كۆمەلگەها خانەسۆرێ.

نایف سەیدۆ، رێڤەبەرێ‌ ناحیا سنوونێ‌ سەر شنگال ڤە ئاشكەرا كو:" دماوێ‌ دوو رۆژان كو ژدوهێ‌ وەرە هەتا ئەڤرۆ 10/2/2021ێ‌ دوو ئەندامێن ئێك خێزان ژبەر روودانەكا ئاگربەربوونێ‌ گیانێ‌ خۆ ژدەستدان كو بەرێ‌ چەند رۆژان ئاگربەربوونێ‌ مالا وەلاتیەكێ‌ ب ناڤێ‌ (خێری مشكۆ) ئاكنجیێ كۆمەلگەها خانەسۆرێ سەر سنوونێ‌ ڤە دئەنجامدا ئەندامێن خێزانا وێ‌ هاتنە سۆتن بۆ نەخۆشخانێ‌ هاتنە رەوانەكرن ل رۆژا سێ‌ شەمبێ‌ 9/2/2021ێ‌ دایكا وی‌ ژبەر رێژا سۆتنێ گیانێ‌ خۆ ژدەست دا وئەڤرۆ 10/2/2021ێ‌ هەڤژینا وی‌ ژی گیانێ‌ خۆ ژدەست دا".

نایف سەیدۆ راگەهاند كو: "ئەڤ روودانا ئاگربەربوونێ‌ ژ ئەگەری قنینێ‌ غازێ چێبوویە دئەنجامدا مالا وەلاتیێ‌ (خێری مشكۆ) ل خانەسۆرێ هاتیە سۆتن كو هەڤژین و دایكا وی‌ بووینە قوربانیێن ڤێ‌ روودانا دلتەزین".











باسنيوز